ମେଷ: ଆତ୍ମଶକ୍ତିକୁ ଜାଗ୍ରତ କରି ଅଚିନ୍ତ୍ୟ ଶକ୍ତିସମ୍ପନ୍ନ ହୋଇପାରନ୍ତି। ମହତ୍ ପ୍ରୟାସୀ ହେବେ। ମାତୃସେବା ବ୍ରତ ଆଚରଣ କରିପାରନ୍ତି। ବାହାରେ ଶିକ୍ଷାଦାନ ଓ ଘରେ କୃଷିକର୍ମର ପରାମର୍ଶଦାତା ହେବେ।
ବୃଷ: ଆଧ୍ୟାତ୍ମିକ ଚିନ୍ତନ ବିନା ମନୁଷ୍ୟ ମନରେ ବିନୀତ ଭାବ ଉତ୍ପନ୍ନ ହୁଏ ନାହିଁ। ନିଷ୍କାମ କର୍ମ ହିଁ ପ୍ରକୃତ ସଚ୍ଚା ଯୋଗ; ଯାହାଦ୍ବାରା ଆପଣ ପ୍ରତ୍ୟେକ କ୍ଷେତ୍ରରେ ପୂଜ୍ୟ ଓ ବିଜୟୀ ହେବେ। ସୁଖୀ ଜୀବନ ବିତାଇବେ।
ମିଥୁନ : ସ୍ବକର୍ମ ଆପଣଙ୍କ ଭାଗ୍ୟକୁ ନିୟନ୍ତ୍ରଣ କରିପାରେ। ସକଳ ସୃଜନୀକୁ ଲୋକଲୋଚନକୁ ଆଣିପାରନ୍ତି। ଦୈବୀ ବଳରେ ମହାଶକ୍ତି, ମହାଦ୍ୟୁତି ସମ୍ପନ୍ନ ହୋଇପାରନ୍ତି। ବିଭିନ୍ନ ସ୍ତରରୁ ଧନାଗମ ହେବ।
କର୍କଟ: ପିତୃ ସତ୍ୟରେ ବନବାସ ହେଉଥିବାବେଳେ ପୁତ୍ର ସତ୍ୟରେ ଜରାନିବାସ ହୋଇପାରନ୍ତି। ଢୋକେ ପିଇ ଦଣ୍ଡେ ଜିଇ ରହିବା ଅଭ୍ୟାସ କରନ୍ତୁ। ସୁଖୀ ରହିବେ।
ସିଂହ: ଏକାନ୍ତ ସାଧନାରେ ସିଦ୍ଧି ପ୍ରାପ୍ତ ହେବେ; ମାତ୍ର ଏହା ଅହଂକାର ଶୂନ୍ୟ କେବଳ ଆପଣଙ୍କ ଦ୍ବାରା ସମ୍ଭବ ହେବ। ମାର୍ଜିତ ଓ ପ୍ରେମପୂର୍ଣ୍ଣ ଭାଷା ବ୍ୟବହାର କରି ଅଜାତ ଶତ୍ରୁ ହେବାର ସୂଚନା ମିଳୁଛି।
କନ୍ୟା: ଏୗକାନ୍ତିକ ଇଚ୍ଛା ଓ ଅଭିନିବେଶ ଥିବାର ସଫଳତାର ଶୀର୍ଷରେ ଉପନୀତ ହେବେ। ଅସମ୍ଭବ ଏକ ଶବ୍ଦ, ଯାହା ଆପଣଙ୍କ ଅଭିଧାନରେ ନାହିଁ। ସୌନ୍ଦର୍ଯ୍ୟପୂର୍ଣ୍ଣ ଅଭିବ୍ୟକ୍ତି ପାଇଁ ପ୍ରତ୍ୟେକ କ୍ଷେତ୍ରରେ ଲାଭବାନ୍ ହେବେ।
ତୁଳା: ପରସ୍ପର ସ୍ନେହ ରହିଲେ ଘର ବୈକୁଣ୍ଠ ସମାନ ହେବ। ଶୁଦ୍ଧ ଆଚରିତ ପର ଧର୍ମଠାରୁ ନିଜ ଧର୍ମ ଗୁଣ ରହିତ ହେଲେ ମଧ୍ୟ ଶ୍ରେଷ୍ଠ ଅଟେ। ସ୍ବଧର୍ମରେ ମନୁଷ୍ୟ ପାପଭାଗୀ ହୁଏ ନାହିଁ। କର୍ମଠ ହୋଇପାରନ୍ତି।
ବିଛା : ଆଜି ଦିନଟି ଶୁଭଫଳଦାୟୀ ଅଟେ। ଶାରୀରିକ, ମାନସିକ ସ୍ବାସ୍ଥ୍ୟ ଉତ୍ତମ ରହିବ, ଉତ୍ସାହିତ ରହିବେ। ନୂଆ କାର୍ଯ୍ୟର ଶୁଭାରମ୍ଭ କରିବା ପାଇଁ ସମୟ ଅନୁକୂଳ ଅଟେ। ପରିଜନମାନଙ୍କ ସହିତ ସମୟ ଆନନ୍ଦପୂର୍ଣ୍ଣ ବିତିବ।
ଧନୁ: କମ ସମୟରେ ଅଧିକ ଲାଭ ପାଇବା ବିଚାରରେ ଆପଣ ଫସି ନଯାଆନ୍ତୁ, ଧ୍ୟାନ ରଖିବେ। କୋର୍ଟ-କଚେରି ବିଷୟରେ ନ ପଡ଼ିବା ପାଇଁ ଉପଦେଶ। ପରିବାରରେ ସୁଖଶାନ୍ତି ରହିବ। ଆକସ୍ମିକ ଧନ ଲାଭ ହେବ।
ମକର: ସନ୍ତାନ ସମ୍ବନ୍ଧିତ ଶୁଭ ସମାଚାର ଆପଣଙ୍କୁ ମିଳିବ। ପୁରୁଣା ତଥା ପିଲାଦିନର ମିତ୍ରମାନଙ୍କର ଭେଟରେ ମନ ପ୍ରସନ୍ନ ହେବ। ନୂଆ ମିତ୍ର ମଧ୍ୟ ବନିବାର ସମ୍ଭାବନା ଅଛି। ଆର୍ଥିକ ସ୍ଥିତିରେ ଲାଭବାନ ହେବେ।
କୁମ୍ଭ: ଅଧିକାରୀଙ୍କ ସହିତ ବାଣୀ ଏବଂ ବ୍ୟବହାରରେ ନିୟନ୍ତ୍ରଣ ରଖିବେ। ବ୍ୟାପାରରେ ବିଘ୍ନ ଆସିବାର ଆଶଙ୍କା ଅଛି। ମଧ୍ୟାହ୍ନ ପରେ ବ୍ୟାବସାୟିକ କ୍ଷେତ୍ରରେ ଆପଣଙ୍କ ପାଇଁ ପରିସ୍ଥିତି ଅନୁକୂଳ ରହିବ। ସୁସ୍ଥ ରହିବେ।
ମୀନ: କ୍ରୋଧ ଓ ବାଣୀ ଉପରେ ନିୟନ୍ତ୍ରଣ ରଖନ୍ତୁ। ସ୍ବାସ୍ଥ୍ୟର ଧ୍ୟାନ ରଖିବେ। ସରକାର ବିରୋଧୀ ପ୍ରବୃତ୍ତିଗୁଡ଼ିକରୁ ଦୂରେଇ ରୁହନ୍ତୁ। ପରିଜନମାନଙ୍କ ସହିତ କଳହର ପ୍ରସଙ୍ଗ ବନିପାରେ। ଇଷ୍ଟ ଦେବତାଙ୍କ ଶରଣ ଯିବେ।
Comments are closed.