ଟିଟିଲାଗଡ଼: ଟିଟଲାଗଡ ଥାନା ବେଲଗାଁ ୨୬ ନମ୍ବର ଜାତୀୟ ରାଜପଥରେ ମର୍ମନ୍ତୁଦ ଦୁର୍ଘଟଣା ଘଟିଛି। ଏଥିରେ ଦୁଇ ବାଇକ ଆରୋହୀ ଗୁରୁତର ଭାବେ ଆହତ ହୋଇଛନ୍ତି। ସୂଚନା ମୂତାବକ ତରସିଂହା ଗାଁର ବିବେକ ଜାନି ଏବଂ ଥୁବୁଡିଙ୍ଗ ଗାଁର ଉତ୍ତମ ମାଝୀ ବାଇକ ଯୋଗେ ଟିଟଲାଗଡ ଯାଉଥିଲେ । ହଠାତ୍ ଜାତୀୟ ରାଜପଥର ସିନାପଲା ଗାଁ ନିକଟରେ ଦୁର୍ଘଟଣାର ସମ୍ମୁଖୀନ ହୋଇଥିଲେ । ବାଇକଟି ଏକ ପୋଲ ତଳେ ଥିବା ଘଞ୍ଚ ବୁଦା ମଧ୍ୟରେ ପଡ଼ିଥିବା ଦେଖିବାକୁ ମିଳିଥିଲା। ସ୍ଥାନୀୟ ଲୋକ ଉଭୟ ଆହତଙ୍କୁ ଉଦ୍ଧାର କରି ଟିଟଲାଗଡ ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲେ । ପୁଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି।
Comments are closed.