ସୁରେନ୍ଦ୍ରପାଟଣା ହତ୍ୟାକାଣ୍ଡ; ଜଣେ ଅଭିଯୁକ୍ତ ଗିରଫ

ତିଗିରିଆ: ତିଗିରିଆ ଥାନା ନୂଆପାଟଣା ଅନ୍ତର୍ଗତ ସୁରେନ୍ଦ୍ରପାଟଣା ମୁଣ୍ଡିଆ ସାହିରେ ପୂର୍ବ ଶତୃତାକୁ ନେଇ ହୋଲି ଦିନ ହୋଇଥିବା ହତ୍ୟାକାଣ୍ଡରେ ସମ୍ପୃକ୍ତ ଜଣେ ଅଭିଯୁକ୍ତ ସୋମବାର ଗିରଫ ହୋଇଛି। ତିଗିରିଆ ପୁଲିସ ପ୍ରମୋଦ ବେହେରା(୫୮) ନାମକ ଅଭିଯୁକ୍ତକୁ ଗିରଫ କରି ଅଦାଲତ ଚାଲାଣ କରିଛି।

ସୂଚନାଯୋଗ୍ୟ, ହୋଲି ଦିନ ସକାଳ ସମୟରେ ସୁରେନ୍ଦ୍ରପାଟଣାର ଚିନ୍ତାମଣି ବେହେରା(୫୦)ଙ୍କ ପରିବାର ଉପରେ ପଡ଼ୋଶୀ ପ୍ରମୋଦ ଏବଂ ତାଙ୍କର ଦୁଇ ପୁଅ ପ୍ରଭାତ ଓ ସର୍ବେଶ୍ଵର ବିଭିନ୍ନ ମାରଣାସ୍ତ୍ରରେ ଅତର୍କିତ ଆକ୍ରମଣ କରିଥିଲେ। ଏହି ଆକ୍ରମଣରେ ଧାରୁଆ ଅସ୍ତ୍ରରେ ହଣା ଖାଇ ଘଟଣା ସ୍ଥଳରେ ଚିନ୍ତାମଣିଙ୍କର ମୃତ୍ୟୁ ହୋଇଥିଲା। ସ୍ତ୍ରୀ ଓ ଝିଅ ଗୁରୁତର ଭାବେ ଆହତ ହୋଇଥିଲେ। ଘଟଣା ଘଟାଇ ଅଭିଯୁକ୍ତମାନେ ଫେରାର ହୋଇଯାଇଥିଲେ। ତେବେ ସୁରେନ୍ଦ୍ରପାଟଣା ମୁଣ୍ଡିଆରେ ଆତ୍ମଗୋପନ କରି ଲୁଚି ରହି ଆସୁଥିବା ପ୍ରମୋଦ ଗତକାଲି ଘରକୁ ଖାଇବାକୁ ଆସିଥିବା ବେଳେ ତିଗିରିଆ ଥାନା ପୁଲିସ ଅଚାନକ ଚଢ଼ାଉ କରି ଅଭିଯୁକ୍ତକୁ ଗିରଫ କରାଯାଇଥିବା ଏସଆଇ ସନ୍ତୋଷ କୁମାର ପ୍ରଧାନ କହିଛନ୍ତି। ଅନ୍ୟ ଅଭିଯୁକ୍ତଙ୍କୁ ମଧ୍ୟ ଖୁବଶୀଘ୍ର ଗିରଫ କରାଯିବ ବୋଲି ଥାନା ଅଧିକାରୀ ସୁଚିତ୍ରା ଜେନା କହିଛନ୍ତି।

Comments are closed.