ନୂଆଦିଲ୍ଳୀ : ଶହଡୋଲ ଜିଲାରେ ଏକ କଲରାପତରିଆ ବାଘକୁ କିଛି ଯୁବକ ଉସୁକାଇବା ପରେ ବାଘ ଆକ୍ରମଣ କରିଥିବା ଘଟଣା ଏବେ ସାମ୍ନାକୁ ଆସିଛି । ଘଟଣାଟି ୨୦ ଅକ୍ଟୋବରର ବୋଲି ଜଣାପଡିଛି । ଘଟଣାର ଭିଡିଓ ଏବେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି । ସୋନ ନଦୀ ନିକଟରେ ପିକ୍ନିକ୍ ପାଇଁ ଯାଇଥିବା କିଛି ଯୁବକ ନିକଟରେ ଏକ କଲରାପତରିଆ ବାଘକୁ ଦେଖିଲେ । ଜଣେ ଯୁବକ ବାଘ ନିକଟକୁ ଧିରେ ଧିରେ ଯିବା ସହ କ୍ୟାମେରାରେ ଦୃଶ୍ୟକୁ ରେକର୍ଡ କରୁଥିଲେ । ସେମାନେ ବାଘକୁ ଉସୁକାଇବା ଭିଡିଓରେ ଦେଖି ପାରିବେ ।
शहडोल शहर से लगे पटासी बीट के खितौली गांव में बाघ को छेड़ना पड़ा भारी, हमले में युवक गंभीर#Tiger #wildlife #Shahdol #MadhyaPradesh pic.twitter.com/DLkiIi41Rp
— RAGHAVENDRA (@Raghavendra_x) October 21, 2024
ଏହାପରେ ବାଘ ହଠାତ୍ ବୁଦା ଭିତରୁ ବାହାରି ଗୋଡାଇ ଆସିଥିଲା । ଜଣେ ଯୁବକଙ୍କ ଉପରେ ଆକ୍ରମଣ କରିଥିଲା । ସେହି ସମୟରେ ସଭିଏଁ ଚିତ୍କାର କରିବା ଆରମ୍ଭ କରିଥିଲେ । ବାଘ ଯୁବକଙ୍କ ବେକ ଉପରେ ସିଧାସଳଖ ଆକ୍ରମଣ କରିଥିଲା । ସେଠାରେ ଥିବା ଅନ୍ୟମାନେ ଚିତ୍କାର କରିବା ପରେ ବାଘ ବ୍ୟକ୍ତିଙ୍କୁ ଗୁରୁତର ଆହତ ଅବସ୍ଥାରେ ଛାଡି ଜଙ୍ଗଲ ଭିତରକୁ ପଳାଇଥିଲା । ତାଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ଭିଡିଓକୁ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
ସ୍ଥାନୀୟ ଲୋକଙ୍କ କହିବାନୁଯାୟୀ, ବାଘଟି ଛୁଆ ଦେଇଥାଇପାରେ । ଶହଡୋଲ ସହର ପ୍ରାୟ ୨୦ କିମି ଦୂର ଖେତୌଲି ଗାଁ ନିକଟରେ ସ୍ଥିତ ପିକନିକ୍ ସ୍ଥାନ । ଯାହା ଖୁବ୍ ଲୋକପ୍ରିୟ ମଧ୍ୟ । ଏଠାରେ ପିକ୍ନିକ୍ କରିବା ପାଇଁ ଅନେକ ପର୍ଯ୍ୟଟକ ସୋନ ନଦୀ କୂଳରେ ଏକାଠି ହୋଇ ଥାଆନ୍ତି ।
Comments are closed.