ପ୍ରତିଟି ବାର ସହ ସ୍ବତନ୍ତ୍ର ଗ୍ରହର ସମ୍ପର୍କ ରହିଛି । ତେଣୁ ପ୍ରତିଦିନ ଏହି ଗ୍ରହକୁ ପୂଜା କରି ଏବଂ ଉପବାସ ରଖି ସେହି ଗ୍ରହକୁ ସୁଦୃଢ କରିପାରିବା । ବୃହସ୍ପତିବାର ଅର୍ଥାତ୍ ଗୁରୁବାର ଦିନ ଶ୍ରୀହରି ଏବଂ ବୃହସ୍ପତି ଗ୍ରହକୁ ପୂଜା କରି କୃପା ଲାଭ କରି ହେବ । ଶ୍ରୀହରି କୃପାରୁ ସମ୍ପତ୍ତି ଏବଂ ସମ୍ପନ୍ନତା ଲାଭ କରିହେବ । ସେହିପରି ବୃହସ୍ପତି ଦେବଙ୍କ କୃପାରୁ ସନ୍ତାନପ୍ରାପ୍ତି ଏବଂ ବିବାହର ସମସ୍ୟା ଉଭୟ ଦୂର କରାଯାଇପାରିବ । ଏହି ବ୍ରତ ସବୁ ପ୍ରକାର ସୁଖ, ଶାନ୍ତି ଓ ସମୃଦ୍ଧି ପ୍ରଦାନ କରିଥାଏ ।
ଯେଉଁମାନଙ୍କ ଜାତକରେ ବୃହସ୍ପତି ଖରାପ ସ୍ଥିତିରେ ବା ଦୁର୍ବଳ ରହିଛି,
ଯେଉଁମାନଙ୍କ ବିବାହ ହୋଇ ପାରୁନାହିଁ ବା ବୈବାହିକ ଜୀବନରେ ସମସ୍ୟା ରହିଛି,
ଯେଉଁମାନଙ୍କ ସନ୍ତାନ ପ୍ରାପ୍ତିରେ ସମସ୍ୟା ରହିଛି,
ଯେଉଁମାନଙ୍କ ପେଟ ଜନିତ ସମସ୍ୟା ରହିଛି ସେମାନେ ଏହି ବ୍ରତ କରିବା ଉଚିତ୍ ।
ପ୍ରାତଃକାଳରେ ସ୍ନାନ କରିବା ସମୟରେ ବ୍ରତ ରଖିବାର ସଙ୍କଳ୍ପ ନିଅନ୍ତୁ ।
ସୂର୍ଯ୍ୟ ଦେବତାଙ୍କୁ ହଳଦି ମିଶ୍ରିତ ଜଳ ଅର୍ପଣ କରନ୍ତୁ ।
ଏହା ପରେ କଦଳୀ ଗଛ ମୂଳରେ ଜଳ ଅର୍ପଣ କରନ୍ତୁ ।
ବୃହସ୍ପତି ମନ୍ତ୍ର ଜପ କରନ୍ତୁ ।
ଏହି ଦିନ କେବଳ ସାତ୍ତ୍ବିକ ଭୋଜନ ଗ୍ରହଣ କରନ୍ତୁ ।
ଭଗବାନ୍ ବିଷ୍ଣୁଙ୍କୁ ହଳଦିଆ ପୁଷ୍ପ ଅର୍ପଣ କରନ୍ତୁ ।
ଏହା ପରେ ‘ବିଷ୍ଣୁ ସହସ୍ତ୍ରନାମ’ ପାଠ କରନ୍ତୁ ।
ବୃହସ୍ପତିବାରରେ ବ୍ରତ ରଖନ୍ତୁ।
ସୂର୍ଯ୍ୟ ଦେବତାଙ୍କୁ ହଳଦି ମିଶ୍ରିତ ଜଳ ଅର୍ପଣ କରନ୍ତୁ ।
ଏହା ପରେ ହଳଦି ମାଳାରେ ବୃହସ୍ପତି ମନ୍ତ୍ର ଜପ କରନ୍ତୁ ।
ମନ୍ତ୍ର- ‘‘ଓଁ ବୃଂ ବୃହସ୍ପତୟେ ନମଃ’’
ଏହା ପରେ ସୂର୍ଯ୍ୟସ୍ତ ପୂର୍ବରୁ ହଳଦିଆ ରଙ୍ଗର ଭୋଜନ କରିବା ଉତ୍ତମ ।



