ପୁରୀ : ପୁରୀରେ ଏମାର ମଠ ଉଚ୍ଛେଦ ବେଳେ ଗୁରୁବାର ଏକ ଭୂତଳ କୋଠରୀ ଠାବ ହୋଇଛି। ମଠର ତଳ ଭାଗରେ ଥିବା ଏହି କୋଠରୀ ଶହ ଶହ ବର୍ଷ ପୁରୁଣା ବୋଲି ଅନୁମାନ କରାଯାଉଛି।
ସୂଚନା ଅନୁସାରେ, ଏହା ଏକ ଚାରି ଥାକିଆ ଭୂତଳ କୋଠରୀ। ଯେଉଁଠି ଖାଦ୍ୟ, ଶସ୍ୟ ସହ ଅନ୍ୟାନ୍ୟ ମୂଲ୍ୟବାନ ପଦାର୍ଥକୁ ରଖାଯାଉଥିଲା। ବର୍ଷ ବର୍ଷ ଧରି ଏହି ଘର ଗୁଡ଼ିକ ପରିତ୍ୟକ୍ତ ହୋଇ ପଡ଼ି ରହିଥିବାରୁ ସାପ ଓ ବହୁ ସଂଖ୍ୟାରେ ଚେମିଣି ଥିବା ଦେଖିବାକୁ ମିଳିଛି। ସେଥିପାଇଁ ଏହି କୋଠରୀକୁ ଭଙ୍ଗା ଯିବା ପୂର୍ବରୁ ଆଜି ସ୍ନେକ୍ ହେଲପ ଲାଇନ୍ ସଦସ୍ୟ ଭିତରକୁ ଯାଇଥିଲେ। ବହୁ ପୁରୁଣା କୋଠରୀ ହୋଇଥିବାରୁ ଆଲୋକ ସଂଯୋଗ ହୋଇନାହିଁ। ଫଳରେ ଭୂତଳ କୋଠରୀ ସମ୍ପର୍କରେ ସ୍ପଷ୍ଟ ସୂଚନା ମିଳିପାରିନାହିଁ।
Comments are closed.