ସମାଜ ପୋର୍ଟାଲ ଡେସ୍କ: କରୋନା ମୁକାବିଲାରେ ନାରୀଶକ୍ତିଙ୍କ ନିଷ୍ଠାପର ଉଦ୍ୟମ ଆମ ସଂଗ୍ରାମକୁ ନିଶ୍ଚୟ ଅଧିକ ଖୋରାକ ଯୋଗାଇବା ଓ ବିଜୟ ଦ୍ୱାରରେ ପହଞ୍ଚାଇବ। ବିଶ୍ୱରେ କରୋନା ସଂକ୍ରମଣ ଦିନକୁ ଦିନ ବୃଦ୍ଧି ପାଉଥିବା ବେଳେ ତାହା ବିରୋଧରେ ଲଢେଇରେ ସାମିଲ ହୋଇଛନ୍ତି ନାରୀଶକ୍ତି। ସେମାନେ କେବଳ ଯେ ନିଜ ପରିବାର ପାଇଁ କାର୍ଯ୍ୟରତ ତାହା ନୁହେଁ, ସେମାନେ ଏଭଳି ସଙ୍କଟ ସମୟରେ ନିଜର ପାରିବାପାଣିଆ ପ୍ରଦର୍ଶନ କରି ସମାଜରେ ଉଦାହରଣ ସୃଷ୍ଟି କରିଛନ୍ତି। କେବଳ ସେତିକି ନୁହେଁ ଆଜି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତାଙ୍କ ଟ୍ୱିଟର ହ୍ୟାଣ୍ଡେଲରେ ମାଓପ୍ରବଣ ମାଲକାନଗିରି ଅଞ୍ଚଳର ସ୍ୱାସ୍ଥ୍ୟ କର୍ମୀ ପ୍ରିୟଦର୍ଶିନୀ ଦାସଙ୍କ କର୍ତ୍ତବ୍ୟପରାୟଣତାର ଭୁୟସୀ ପ୍ରଶଂସା କରିଛନ୍ତି। ଆଜିର ଦୈନିକ ‘ସମାଜ’ ସମ୍ବାଦପତ୍ରରେ ପ୍ରକାଶିତ ସମ୍ବାଦ ‘କର୍ତ୍ତବ୍ୟ ଆଗରେ ହାର ମାନିଛି ମାତୃତ୍ଵ’ ଶୀର୍ଷକ ଖବରକୁ ଟ୍ୱିଟ କରି କେନ୍ଦ୍ର ମନ୍ତ୍ରୀ ଶ୍ରୀ ପ୍ରଧାନ ଲେଖିଛନ୍ତି, ମାତୃ ଶକ୍ତି ହିଁ କରୋନା ମୁକାବିଲାର ମଙ୍ଗ ଧରିପାରିବ ଏହା ପ୍ରମାଣିତ କରି ଦେଖାଇଛନ୍ତି ମାଓପ୍ରବଣ ମାଲକାନଗିରି ଅଞ୍ଚଳର ସ୍ୱାସ୍ଥ୍ୟ କର୍ମୀ ପ୍ରିୟଦର୍ଶିନୀ ଦାସ। ଜଣେ ମା’ ହୋଇ ମଧ୍ୟ ନିଜ କର୍ତ୍ତବ୍ୟ ପଥକୁ ପ୍ରଥମ ମନେକରି ଦୈନିକ ୧୫ରୁ ୨୦ ଘଣ୍ଟା କାର୍ଯ୍ୟ କରି ସେ ସମଗ୍ର ମହିଳା ଜାତି ପାଇଁ ଆଦର୍ଶ ପାଲଟିଛନ୍ତି।
ମାତୃ ଶକ୍ତି ହିଁ କରୋନା ମୁକାବିଲାର ମଙ୍ଗ ଧରିପାରିବ ଏହା ପ୍ରମାଣିତ କରି ଦେଖାଇଛନ୍ତି ମାଓପ୍ରବଣ ମାଲକାନଗିରି ଅଞ୍ଚଳର ସ୍ୱାସ୍ଥ୍ୟ କର୍ମୀ ପ୍ରିୟଦର୍ଶିନୀ ଦାସ । ଜଣେ ମା’ ହୋଇ ମଧ୍ୟ ନିଜ କର୍ତ୍ତବ୍ୟ ପଥକୁ ପ୍ରଥମ ମନେକରି ଦୈନିକ ୧୫ରୁ ୨୦ ଘଣ୍ଟା କାର୍ଯ୍ୟ କରି ସେ ସମଗ୍ର ମହିଳା ଜାତି ପାଇଁ ଆଦର୍ଶ ପାଲଟିଛନ୍ତି । pic.twitter.com/BoMAY0wxx0
— Dharmendra Pradhan (@dpradhanbjp) April 23, 2020
ଅନ୍ୟପକ୍ଷରେ ଆଜିର ସମାଜରେ ପ୍ରଥମ ପୃଷ୍ଠାରେ ପ୍ରକାଶିତ ସମ୍ବାଦ ‘ଓଡ଼ିଆ ଧାଈଙ୍କ ଶବ ସତ୍କାର କଲେ ଗମ୍ଭୀର’ ଶୀର୍ଷକ ଖବରକୁ ମଧ୍ୟ ଶ୍ରୀ ପ୍ରଧାନ ଟ୍ୱିଟ କରିବା ସହ କ୍ରିକେଟ୍ ତାରକା ଗୌତମ ଗମ୍ଭୀରଙ୍କ ପ୍ରଶଂସାରେ ଶତମୁଖ ହୋଇଛନ୍ତି। ସେ ଲେଖିଛନ୍ତି, ଦିଲ୍ଲୀରେ ଜଣେ ଓଡ଼ିଆ ଧାଈଙ୍କ ଶବ ସତ୍କାର କରି ମାନବିକତାର ପରିଚୟ ଦେବା ସହ ନିଜର ମହାନତା ମଧ୍ୟ ପ୍ରଦର୍ଶନ କରିଛନ୍ତି କ୍ରିକେଟ୍ ତାରକା ଗୌତମ ଗମ୍ଭୀର। ବର୍ତ୍ତମାନର ମହାମାରୀ ବିପତ୍ତି ସମୟରେ କ୍ରିକେଟ୍ ତାରକା କେବଳ ଓଡ଼ିଆ ଧାଈଙ୍କ ଶବ ଶତ୍କାର କରି ସମାଜ ପାଇଁ ଉଦାହରଣ ସୃଷ୍ଟି କରିନାହାନ୍ତି, ଅଭିନବ ବାର୍ତ୍ତା ମଧ୍ୟ ଦେଇଛନ୍ତି।
ସାଂସଦ ତଥା କ୍ରିକେଟର @GautamGambhir ଦିଲ୍ଲୀରେ ଜଣେ ଓଡ଼ିଆ ଧାଈଙ୍କ ଶବ ସତ୍କାର କରି ମାନବିକତାର ପରିଚୟ ଦେବା ସହ ନିଜର ମହାନତା ମଧ୍ୟ ପ୍ରଦର୍ଶନ କରିଛନ୍ତି। ବର୍ତ୍ତମାନର ମହାମାରୀ ବିପତ୍ତି ସମୟରେ କ୍ରିକେଟ୍ ତାରକା କେବଳ ଓଡ଼ିଆ ଧାଈଙ୍କ ଶବ ଶତ୍କାର କରି ସମାଜ ପାଇଁ ଉଦାହରଣ ସୃଷ୍ଟି କରିନାହାନ୍ତି,ଅଭିନବ ବାର୍ତ୍ତା ମଧ୍ୟ ଦେଇଛନ୍ତି। pic.twitter.com/cAaH03x2vB
— Dharmendra Pradhan (@dpradhanbjp) April 23, 2020
