ଭୁବନେଶ୍ୱର: ଉତ୍କଳ ବିଶ୍ୱବିଦ୍ୟାଳୟର ରୁସା ୨.୦ ରୁରାଲ ଆଉଟରିଚ ଟିମ ପକ୍ଷରୁ ଯାଜପୁର ଜିଲାର ସିହା ଗ୍ରାମସ୍ଥ ଭଗବତୀ ଉଚ୍ଚ ବିଦ୍ୟାଳୟରେ ବହୁମୁଖି କର୍ମଶାଳା ଅନୁଷ୍ଠିତ ହୋଇଯାଇଛି। ରାଷ୍ଟ୍ରୀୟ ପୋଷଣ ସପ୍ତାହ ପାଳନ ଅବସରରେ ପ୍ରୋଗ୍ରାମ ମ୍ୟାନେଜର ଡ.ଗୁଲସନ ଖାତୁନ ଏକ କର୍ମଶାଳା ଆୟୋଜନ କରିଥିଲେ। ଏଥିରେ ସ୍ପର୍ଶ ହସ୍ପିଟାଲର ବରିଷ୍ଠ ଡାଇଟିସିଆନ ପ୍ରକ୍ସ୍ମିତା ରାଉତ ରିସୋର୍ସ ପର୍ସନ ଭାବେ ଯୋଗଦେଇଥିଲେ। ଏହି ଅବସରରେ ଦୈନନ୍ଦିନ ଜୀବନରେ ପୋଷଣଯୁକ୍ତ ଖାଦ୍ୟର ଗୁରୁତ୍ୱ ଓ ଏହାର ଉପାଦେୟତା ଉପରେ ଆଲୋକପାତ କରିଥିଲେ। ପୋଷଣ ଅଭାବରୁ କିଭଳି ରକ୍ତହୀନତାର ଶିକାର ହେବାକୁ ପଡୁଛି ଏବଂ ଏହାର ନିରାକରଣ ଉପରେ ଆଲେଶଚନା କରିଥିଲେ। ସେହିପରି ପ୍ରୋଗ୍ରାମ ମ୍ୟାନେଜର ଲିଜା ସ୍ୱାଇଁ ସ୍ୱୟଂ ସହାୟିକା ମହିଳାମାନଙ୍କୁ ନେଇ ଏକ କର୍ମଶାଳା ଆୟୋଜନ କରିଥିଲେ। ଏହି ଅବସରରେ ଉପଯୁକ୍ତ ପୋଷଣଯୁକ୍ତ ଖାଦ୍ୟ ସମ୍ପର୍କରେ ଆଲୋକପାତ କରିଥିଲେ। ପ୍ରୋଗ୍ରାମ ମ୍ୟାନେଜର ଅନନ୍ୟା ପଟ୍ଟନାୟକ ସାପ କାମୁଡ଼ା ଓ ଏହାର ତତ୍କାଳ ଚିକିତ୍ସା ଏବଂ ଏଥି ପ୍ରତି କିଭଳି ସତର୍କ ରହିପାରିବେ ସେ ସମ୍ପର୍କରେ ସୂଚନା ଦେଇଥିଲେ। ସ୍ନେକ ହେଲ୍ପଲାଇନର ତପନ କୁମାର ପୃଷ୍ଟି ରିସୋର୍ସ ପର୍ସନ ଭାବେ ଯୋଗଦେଇ ସଚେତନତା ସୃଷ୍ଟି କରିଥିଲେ। ବିଷାକ୍ତ ଓ ସାଧାରଣ ସାପକୁ କିଭଳି ଚିହ୍ନଟ, ସାପ କାମୁଡ଼ିବା ପରେ ତତ୍କାଳ ପ୍ରାଥମିକ ଚିକିତ୍ସା ପ୍ରଦାନ, କ’ଣ ସତର୍କତା ପଦକ୍ଷେପ ନିଆଯିବ ସେ ସମ୍ପର୍କରେ ଆଲୋଚନା କରିଥିଲେ। ପ୍ରୋଗ୍ରାମ ମ୍ୟାନେଜର ସ୍ୱାତୀ ପ୍ରିୟଦର୍ଶିନୀ ଆଚାର୍ଯ୍ୟ କ୍ୟାରିୟର ଓ ନିଯୁକ୍ତି ସୁଯୋଗ ଉପରେ ଏକ କର୍ମଶାଳା ଆୟୋଜନ କରିଥିଲେ। କାର୍ଯ୍ୟକ୍ରମରେ ସିହା ସରପଞ୍ଚ ସୁଶ୍ରୀ ମିଶ୍ର, ଜୟନ୍ତ ମହାରଣା ଏବଂ ସିହା ଗ୍ରାମବାସୀ ଏହି କାର୍ଯ୍ୟକ୍ରମରେ ଯୋଗଦେଇଥିଲେ।
Popular Categories
Previous article
Next article