ବୌଦ୍ଧ : ବୌଦ୍ଧ ଗୁଣ୍ଡିଚା ମନ୍ଦିରଠାରେ ଚତୁର୍ଦ୍ଧାମୂର୍ତ୍ତିଙ୍କ ଅବସ୍ଥାନ ସମୟରେ ଅବତାରୀ ବେଶରେ ଭକ୍ତମାନଙ୍କୁ ଦର୍ଶନ ଦେବା ସହିତ ଜିଲା ପ୍ରଶାସନ ପକ୍ଷରୁ ପ୍ରତିଦିନ ଭଜନ ସନ୍ଧ୍ୟାର ଆୟୋଜନ କରାଯାଇଛି । ଗୁଣ୍ଡିଚା ମନ୍ଦିରରେ ପଞ୍ଚମ ଦିନର ଅବସ୍ଥାନରେ ଚତୁଦ୍ଧାମୂର୍ତ୍ତି ଶ୍ରରାମ ବଳରାମ ବେଶରେ ଭକ୍ତଙ୍କୁ ଦର୍ଶନ ଦେଇଛନ୍ତି । ଏହି ଅବସରରେ ସଙ୍ଗିତାୟନ, ସୃଷ୍ଟି ଡ୍ୟାନସ ଏକାଡେମୀ, ଗେହ୍ଲାମା କଳା ନିକେତନ,ସନ୍ତୋଷ ଦାଶ ଓ ସାଥୀଙ୍କ ଦ୍ୱାରା ଭଜନ ପରିବେଷଣ ହୋଇଥିଲା । ପଞ୍ଚମ ଦିବସରେ ସୀତାରାମ କଳା ଅନୁଷ୍ଠାନ ପକ୍ଷରୁ ଭଜନ ପରିବେଷଣ କରାଯାଇଥିବାବେଳେ ଆଗକୁ ରାମଲୀଳା ନାଟ୍ୟସଂସଦ ଓ ନାଗରିକ କମିଟି ପକ୍ଷରୁ ମଧ୍ୟ ଭଜନ ସନ୍ଧ୍ୟା ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି । ଏହି କାର୍ଯ୍ୟକ୍ରମକୁ ଚନ୍ଦ୍ରକାନ୍ତ ନାଏକ, ଅଧ୍ୟାପକ ପ୍ରତାପ କୁମାର ରଥ ପ୍ରମୁଖ ସଂଯୋଜନା କରୁଛନ୍ତି । ତେବେ ଚତୁର୍ଥ ଦିବସରେ ଅତିରିକ୍ତ ଜିଲାପାଳ ଦାରିଦ୍ର୍ୟ ଭଞ୍ଜନ ମଦନ ମୋହନ ପାତ୍ରଙ୍କ ଦ୍ୱାରା ପରିବେଷିତ ଭଜନ ଉପସ୍ଥିତ ଶ୍ରଦ୍ଧାଳୁମାନଙ୍କ ଦ୍ୱାରା ଉଚ୍ଚ ପ୍ରଶଂସିତ ହୋଇଥିଲା । ଏନଏସି ପକ୍ଷରୁ ଗୁଣ୍ଡିଚା ମନ୍ଦିରରେ ଶ୍ରଦ୍ଧାଳୁମାନଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯିବାପରେ ବର୍ଷା ସତ୍ୱେ ମଧ୍ୟ ବହୁ ସଂଖ୍ୟାରେ ଶ୍ରଦ୍ଧାଳୁ ଭଜନ ସନ୍ଧ୍ୟା ଉପଭୋଗ କରୁଥିବା ଦେଖିବାକୁ ମିଳିଛି ।
Popular Categories
Previous article
Next article