ଡ଼େସ୍କ: ଆତଙ୍କବାଦ କୌଣସି ପ୍ରକାରରେ ସମାଜର ମଙ୍ଗଳ କରେ ନାହିଁ ତେଣୁ ଯେ କୌଣସି ପ୍ରକାର ଆତଙ୍କବାଦୀ କାର୍ଯ୍ୟକଳାପ ବନ୍ଦ କରାଯିବା ଆବଶ୍ୟକ ବୋଲି ବୈଦେଶିକ ବ୍ୟାପାର ମନ୍ତ୍ରୀ ଡଃ ଏସ ଜୟଶଙ୍କର କହିଛନ୍ତି। ଆଜି ଗୋଆରେ ଆରମ୍ଭ ହୋଇଥିବା ସାଂଘାଇ ସହଯୋଗ ସଂଗଠନ ବୈଠକରେ ଯୋଗଦେଇ ସେ କହିଛନ୍ତି ଯେ ସୀମାପାର ଆତଙ୍କବାଦ ହେଉ କି ଅନ୍ୟ କୌଣସି ପ୍ରକାର ଆତଙ୍କବାଦୀ କାର୍ଯ୍ୟକଳାପ, ତାହା ବିରୋଧରେ ଲଢେଇ ଜାରି ରଖିବା ହେଉଛି ସାଂଘାଇ ସହଯୋଗ ସଂଗଠନର ପ୍ରମୁଖ ପ୍ରସଙ୍ଗ।
ଆତଙ୍କବାଦ ବିରୋଧୀ ପଦକ୍ଷେପ ବର୍ତ୍ତମାନ ସମୟର ମୁଖ୍ୟ ଆବଶ୍ୟକତା ବୋଲି ଡଃ ଜୟଶଙ୍କର କହିଛନ୍ତି। ଏହି ବୈଠକରେ ଇଂରାଜୀ ଭାଷାକୁ ଏସସିଓର ତୃତୀୟ ବ୍ୟବହାରିକ ଭାଷା ଭାବେ ଗ୍ରହଣ କରିବାକୁ ସେ ସଦସ୍ୟ ଦେଶମାନଙ୍କ ସମର୍ଥନ ଲୋଡିଛନ୍ତି ଯାହା ଫଳରେ ଇଂରାଜୀ ଭାଷାଭାଷୀ ସଦସ୍ୟ ଦେଶଗୁଡିକ ପ୍ରତ୍ୟେକ ବିଷୟ ସହଜରେ ତର୍ଜମା କରିପାରିବେ।
Comments are closed.