ମୁମ୍ବାଇ: ‘ତେରେ ଇସ୍କ ମେଁ’ ଚଳଚ୍ଚିତ୍ରର ଆଉ ଏକ ଟିଜର ମଙ୍ଗଳବାର ରିଲିଜ୍ ହୋଇଛି, ଯେଉଁଥିରେ ନାୟିକାଙ୍କ ଚେହେରା ସ୍ପଷ୍ଟ ଦେଖିବାକୁ ମିଳିଛି। ପ୍ରଥମ ଟିଜରରେ କେବଳ ଅଭିନେତ୍ରୀଙ୍କ ସ୍ଵର ଶୁଣିବାକୁ ମିଳିଥିଲା। ଏହି ଚଳଚ୍ଚିତ୍ରରେ ଧନୁଷଙ୍କ ସହ ବଲିଉଡ଼ ଅଭିନେତ୍ରୀ କ୍ରିତି ସାନୋନ ନଜର ଆସିବେ। ‘ରାଂଝଣା’ର ପ୍ରାୟ ୧୨ ବର୍ଷ ପରେ ଆନନ୍ଦ ଏଲ ରାୟ ଓ ଧନୁଷ ‘ତେରେ ଇସ୍କ ମେଁ’ ମାଧ୍ୟମରେ ପୁଣିଥରେ ଏକାଠି ହୋଇଛନ୍ତି। ଫିଲ୍ମର ବିଧିବଦ୍ଧ ଘୋଷଣା ଏକ ଟିଜର ମାଧ୍ୟମରେ କରାଯାଇଥିଲା, ଯାହା ପ୍ରଶଂସକଙ୍କୁ ଖୁବ୍ ପସନ୍ଦ ଆସିଥିଲା।
‘ତେରେ ଇସ୍କ ମେଁ’ ଚଳଚ୍ଚିତ୍ରର ପ୍ରଥମ ଟିଜରରେ କେବଳ ଅଭିନେତ୍ରୀଙ୍କୁ ସ୍ଵର ଶୁଣିବାକୁ ମିଳିଥିଲା, କିନ୍ତୁ ଏବେ କିଛି ସମୟ ପୂର୍ବରୁ ଫିଲ୍ମର ଦ୍ଵିତୀୟ ଟିଜର ରିଲିଜ୍ ହୋଇଛି, ଯେଉଁଥିରେ ଅଭିନେତ୍ରୀ କ୍ରିତି ସାନୋନ ନଜର ଆସିଛନ୍ତି। ଏହି ଟିଜରରେ କ୍ରିତିଙ୍କୁ ଦଙ୍ଗା ଭିତରେ ଦେଖିବାକୁ ମିଳିଛି। ସେ ଆଗକୁ ବଢୁଛନ୍ତି ଏବଂ ନିଜ ଉପରେ ପେଟ୍ରୋଲ ଢାଳୁଛନ୍ତି। ତା’ପରେ ସେ ଏକ ସିଗାରେଟ୍ ଲଗାଉଛନ୍ତି ଏବଂ ଏହି କ୍ଲିପ୍ ସହିତ ଟିଜର ଶେଷ ହେଉଛି। ଚଳିତ ବର୍ଷ ନଭେମ୍ବର ୨୮ରେ ମୁକ୍ତିଲାଭ କରିବ ‘ତେରେ ଇସ୍କ ମେଁ’।
Comments are closed.