ନୂଆଦିଲ୍ଲୀ: ପହଲଗାଓଁ ଆତଙ୍କବାଦୀ ଆକ୍ରମଣ ପରଠାରୁ ଭାରତ ସିନ୍ଧୁ ଜଳ ଚୁକ୍ତିକୁ ସ୍ଥଗିତ ରଖିଛି। ଚୁକ୍ତି ସ୍ଥଗିତ ପରଠାରୁ ପାକିସ୍ତାନକୁ ଭାରତ ପାଣି ଛାଡୁ ନାହିଁ। ପାକିସ୍ତାନକୁ ଜଳ ଯୋଗାଣକୁ ସ୍ଥାୟୀ ଭାବେ ବନ୍ଦ କରିବା ଲାଗି ଭାରତ ଚେନାବ ନଦୀରେ ହାଇଡ୍ରୋଇଲେକ୍ଟ୍ରିକ୍ ବିଦ୍ୟୁତ୍ ପ୍ରକଳ୍ପ ନିର୍ମାଣ କରିବାକୁ ନିଷ୍ପତ୍ତି ନେଇଛି। ପୂର୍ବରୁ ଏହି ବିଦ୍ୟୁତ୍ ପ୍ରକଳ୍ପ ପାଇଁ ନିଷ୍ପତ୍ତି ହୋଇଥିବା ବେଳେ ଏହାକୁ ବନ୍ଦ କରିଦିଆଯାଇଥିଲା। ଏବେ ସିନ୍ଧୁ ଜଳ ଚୁକ୍ତି ସ୍ଥଗିତ ରଖାଯିବା ପରେ ଭାରତ ପୁନର୍ବାର ବିଦ୍ୟୁତ୍ ପ୍ରକଳ୍ପ ନିର୍ମାଣ କରିବାକୁ ନିଷ୍ପତ୍ତି ନେଇଛି। ସାୱାଲକୋଟ୍ ହାଇଡ୍ରୋଇଲେକ୍ଟ୍ରିକ୍ ବିଦ୍ୟୁତ୍ ପ୍ରକଳ୍ପ ନାମରେ ହେବାକୁ ଥିବା ଏହି ପ୍ରକଳ୍ପ ଲାଗି କେନ୍ଦ୍ର ପରିବେଶ ମନ୍ତ୍ରଣାଳୟ ଜୁଲାଇ ମାସରେ ଅନୁମୋଦନ କରିଛି। ଅନୁମୋଦନ ଆଧାରରେ ଜାତୀୟ ହାଇଡ୍ରୋଇଲେକ୍ଟ୍ରିକ୍ ପାୱାର କର୍ପୋରେସନ (ଏନ୍ଏଚପିସି) ଜୁଲାଇ ୨୯ରେ ପ୍ରକଳ୍ପ ନିମନ୍ତେ ଆନ୍ତର୍ଜାତିକ ନିର୍ମାଣ କମ୍ପାନୀ ଠାରୁ ଟେଣ୍ଡର ଆହ୍ବାନ କରିଛି। ସାୱାଲକୋଟ୍ ହାଇଡ୍ରୋଇଲେକ୍ଟ୍ରିକ୍ ବିଦ୍ୟୁତ୍ ପ୍ରକଳ୍ପର କ୍ଷମତା ୧୮୫୬ ମେଗାୱାଟ ରହିବ। ଏହି ପ୍ରକଳ୍ପ ନିମନ୍ତେ ୨୦୦ କୋଟି ଟଙ୍କା ଅନୁମୋଦନ କରାଯାଇଛି। ଏହି ପ୍ରକଳ୍ପ ଦ୍ବାରା ପାକିସ୍ତାନକୁ ସିନ୍ଧୁ ନଦୀ ଜଳ ପ୍ରବାହକୁ ରୋକାଯିବ।
Popular Categories
Previous article
Next article