ଜୟପୁର : ଭଡାଟିଆଙ୍କୁ ବିଳମ୍ବିତ ରାତିରେ ଘରକୁ ଆସିବାକୁ ନେଇ ତାଗିଦ କରିବାରୁ ଘର ମାଲିକାଣୀଙ୍କୁ ହତ୍ୟା କଲା ନାବାଳକ । ଜୟପୁରରେ ଜଣେ ମହିଳା, ଭଡାଟିଆଙ୍କୁ ବିଳମ୍ବରେ ଆସିବାକୁ ନେଇ ତାଗିଦ କରିଥିଲେ । କିନ୍ତୁ ଏହି କଥା ଉଗ୍ର ରୂପ ନେଇଥିଲା ଏବଂ ଶେଷରେ ନାବାଳକ ଜଣକ ରାଗିଯାଇ ମହିଳାଙ୍କୁ ନିର୍ମମ ହତ୍ୟା କରିଛି । ଏକ ଛୁରୀରେ ସେ ତାଙ୍କ ବେକ କାଟିବା ସହ ସାରା ଶରୀରରେ ୩୫ରୁ ଅଧିକ ଥର ଆକ୍ରମଣ କରିଛି । ଏହି ଘଟଣା ସାରା ଅଞ୍ଚଳରେ ହଇଚଇ ସୃଷ୍ଟି କରିଛି ।
ଘଟଣାଟି ଜୟପୁର ଗୋନେର ଅଞ୍ଚଳର ଗୌରବ ଭାଟିକାର । ଶନିବାର ଦ୍ବିପ୍ରହର ସାଢେ ୧ରେ ସତୀଶ ଚନ୍ଦ୍ର ଶର୍ମାଙ୍କ ପୁଅ ମୌସମ ଶର୍ମା ନିଜ ଘରେ ପହଞ୍ଚି ଚାରିଆଡେ ରକ୍ତ ପଡିଥିବା ଦେଖିଲେ । ପରେ ସେ ମାଙ୍କୁ ରକ୍ତାକ୍ତ ଅବସ୍ଥାରେ ଦେଖିଲେ । ଖବର ପାଇ ଆଖପାଖର ସମସ୍ତେ ଏକାଠି ହୋଇଗଲେ । ତୁରନ୍ତ ଗୁରୁତର ମହିଳା ମଞ୍ଜୁ ଶର୍ମାଙ୍କୁ ହସ୍ପିଟାଲ ନିଆଗଲା । ପୁଲିସ ସିସିଟିଭି ଯାଞ୍ଚ କରିବା ପରେ ଫୁଟେଜରେ ନାବାଳକ ଜଣକ ନଜର ଆସିଲା । ପୁଲିସ ତାକୁ ପଚରାଉଚରା କରିବା ପରେ ସବୁ ସତକଥା ଜଣାପଡିଗଲା ।
ଶନିବାର ସକାଳ ପ୍ରାୟ ସାଢେ ୧୦ଟାରେ ନାବାଳକ ମୁହଁରେ ରୁମାଲ ପିନ୍ଧି ମହିଳାଙ୍କୁ ହତ୍ୟା କରିବାକୁ ଆସିଥିଲା । କିନ୍ତୁ ସୁଯୋଗ ନମିଳିବାରୁ ସେ ଚାଲିଗଲା । ପରେ ସାଢେ ୧୨ଟାରେ ଆସି ତାଙ୍କୁ ଛୁରୀ ଭୁସି ହତ୍ୟା କଲା । ପରେ ନିଜ ରକ୍ତ ଲାଗିଥିବା ସର୍ଟକୁ ଜଳାଇ ଅଲଗା ପୋଷାକ ପିନ୍ଧି ମହିଳାଙ୍କୁ ଦେଖିବା ପାଇଁ ହସ୍ପିଟାଲରେ ପହଞ୍ଚି ଯାଇଥିଲା । ସେ ମହିଳାଙ୍କ ଘରେ ଭଡା ରହୁଥିବା ଦମ୍ପତ୍ତିଙ୍କୁ ଭଣଜା । ସେ ଅନେକ ସମୟରେ ବିଳମ୍ବରେ ଘରକୁ ଆସୁଥିଲେ । ତାଙ୍କୁ ଘରର ମାଲିକାଣୀ ମଞ୍ଜୁ ଶର୍ମା ତାଗିଦ କରିବାରୁ ଦିନେ ସେ ତାଙ୍କୁ ହତ୍ୟା କରିବାକୁ ଯୋଜନା କରିଥିଲା । ଶେଷରେ ସେ ଏହି ପଦକ୍ଷେପ ଉଠାଇଥିଲା । ସିସିଟିଭି ଯାଞ୍ଚ ପରେ ସବୁ ଜଣାପଡିଯାଇଥିଲା । ପୁଲିସ ତାକୁ ଗିରଫ କରି ଆଗାମୀ କାର୍ଯ୍ୟାନୁଷ୍ଠାନ ଜାରି ରଖିଛି ।
Comments are closed.