ବଲାଙ୍ଗିର: ଭୁବନେଶ୍ୱର କମ୍ୟୁନିଟି ସେଣ୍ଟରରେ ଖେଳା ଯାଇଥିବା ରାଜ୍ୟସ୍ତରୀୟ ଟାଇ ବକ୍ସିଂ ପ୍ରତିଯୋଗିତାରେ ବଲାଙ୍ଗିର ଜିଲାରୁ କୋଚ୍ ଯୁଧିଷ୍ଠୀର ଗୁରାଣ୍ଡିଙ୍କ ନେତୃତ୍ୱରେ ୧୦ଜଣ ପ୍ରତିଯୋଗୀ ଭାଗ ନେଇଥିଲେ। ସେମାନଙ୍କ ମଧ୍ୟରୁ ରୁସ୍ତମ ନାଏକ, ପିଉଷ ସୁନା, ଚିନୁ ହରପାଲ, ସଞ୍ଜୟ ମଛଖଣ୍ଡ, ଭୋଳାନାଥ ବିଶ୍ୱାଳ, ଆରାଧ୍ୟା ଖୋରା ସ୍ୱର୍ଣ୍ଣ ପଦକ ପାଇଥିବା ବେଳେ ରିମା ସୁନା ଓ ନୟନ ରାୟ ରୌପ୍ୟ ପଦକ, ଆଦର୍ଶ ରଞ୍ଜନ ସୁନା ଓ ସ୍ୱସ୍ତିକ ସାହୁ କାଂସ୍ୟ ପଦକ ହାତେଇଛନ୍ତି। କୃତୀ ପ୍ରତିଯୋଗୀମାନେ ବଲାଙ୍ଗିର ଫେରିବା ପରେ ବଲାଙ୍ଗିର ରେଳ ଷ୍ଟେସନରେ ଜିଲା ଉଷୁ ସଂଘର ସଭାପତି ତପନ ପାଣିଗ୍ରାହୀ, ଉପସଭାପତି ବାବୁଲାଲ ନାଏକ ଓ ଅନ୍ୟମାନେ ପୁଷ୍ପଗୁଚ୍ଛ ଦେଇ ସ୍ୱାଗତ କରିଥିଲେ।
Comments are closed.