ନୂଆଦିଲ୍ଲୀ : ରାଜନୀତିରେ ଏଣ୍ଟ୍ରି କଲେ ସ୍ୱାତୀ ମାଲିୱାଲ। ସ୍ୱାତୀ ଦିଲ୍ଲୀ ମହିଳା କମିଶନ ଅଧ୍ୟକ୍ଷା ପଦରୁ ଇସ୍ତଫା ଦେବା ପରେ ଆମ୍ ଆଦମୀ ପାର୍ଟି ତାଙ୍କୁ ରାଜ୍ୟସଭା ପ୍ରାର୍ଥୀ କରିଛି। ଜାନୁଆରୀ ୧୯ ତାରିଖରେ ଦିଲ୍ଲୀ ପାଇଁ ରାଜ୍ୟସଭା ନିର୍ବାଚନ କରାଯିବ ।
ଯେଉଁଥିରେ ସ୍ୱାତୀ ହେବେ ଆପ୍ ର ପ୍ରାର୍ଥୀ। ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ପିଏସି ବୈଠକରେ ସ୍ୱାତୀଙ୍କ ନାଁ ପ୍ରସ୍ତାବ ଦିଆଯାଇଥିଲା। କେବଳ ସ୍ୱାତୀ ନୁହଁନ୍ତି ସଞ୍ଜୟ ସିଂ ଓ ଏନ ଡି ଗୁପ୍ତାଙ୍କୁ ୨ୟ ଥର ପାଇଁ ନିଜ ନିଜ ଆସନରୁ ପ୍ରାର୍ଥୀ କରିବା ଲାଗି କମିଟି ନିଷ୍ପତ୍ତି ନେଇଛି।
- Advertisement -
ସ୍ୱାତୀ ପ୍ରଥମଥର ଲାଗି ସଂସଦୀୟ ବ୍ୟାପାରରେ ଭାଗ ନେବେ। ୨୦୨୫ ମସିହାରେ ତାଙ୍କୁ ଦିଲ୍ଲୀ ମହିଳା କମିଶନ ଚେୟାର ପର୍ସନ ଭାବେ ନିଯୁକ୍ତ କରାଯାଇଥିଲା। ଦିଲ୍ଲୀରେ ଏସିଡ୍ ଆଟାକ୍ , ଯୌନ ଉତ୍ପୀଡନ ଓ ମହିଳା ସୁରକ୍ଷାଜନିତ ପ୍ରତିକାର ଦିଗରେ ସେ ନେତୃତ୍ୱ ନେଇଥିଲେ ।
