ନୂଆଦିଲ୍ଲୀ : ସୁଜୁକି ମୋଟରସାଇକେଲ ଇଣ୍ଡିଆ ଆଭେନିସ୍ ସ୍କୁଟରର ନୂଆ ଷ୍ଟାଣ୍ଡାର୍ଡ ଭାରିଆଣ୍ଡ୍ ଲଞ୍ଚ୍ କରିଛି । ଏହାକୁ ଓବିଡି-୨ବି ନର୍ମ୍ସ ଅନୁରୂପ ପ୍ରସ୍ତୁତ କରାଯାଇଛି । ଏହାର ଏକ୍ସ ଶୋରୁମ୍ ଦାମ୍ ୯୧,୪୦୦ ଟଙ୍କା । ଏହି ଅପଡେଟ୍ ବ୍ୟତୀତ ଏଥିରେ ଅନ୍ୟ କୌଣସି ବି ପରିବର୍ତ୍ତନ କରାଯାଇନି । ଆଭେନିସରେ ପୁରୁଣା ୧୨୪ ସିସିର ଇଞ୍ଜିନ ଲାଗିଛି ଯାହା ୮.୭ ଏଚପି ପାଓ୍ବର ୧୦ଏନଏମର ଟର୍କ ଉତ୍ପନ କରିଥାଏ ।
ସୁଜୁକି ପୂର୍ବରୁ ଆଭେନିସର ସ୍ପେଶାଲ ଏଡିସନ ଅପଡେଟ୍ କରିଥିଲା କିନ୍ତୁ ଷ୍ଟାଣ୍ଡାର୍ଡ ଭାରିଆଣ୍ଟରେ ଏବିଡି-୨ବି ନିୟମ ପାଳନହୋଇନଥିଲା । ଏଣିକି ସମସ୍ତ ବାଇକ ଓ ସ୍କୁଟର ଏମିସନ ନର୍ମ୍ସର ପାଳନ କରିବାକୁ ପଡିବ । ଏଥିରେ ପରିବେଶ ଦୂଷିତ ହେବାରୁ ରକ୍ଷା ମିଳିବା ସହିତ ଗାଡି ଉତ୍ତମ ପ୍ରଦର୍ଶନ ମଧ୍ୟ କରିପାରିବ ।
ଆଭେନିସରେ ଏଲଇଡି ହେଡଲାଇଟ୍ ଓ ଟେଲଲାଇଟ୍ ରହିଛି ଯାହା ଡିଜିଟାଲ ଇନଷ୍ଟ୍ରୁମେଣ୍ଟ କ୍ଲଷ୍ଟର ସହିତ ଆସୁଛି । କିନ୍ତୁ ଏଥିରେ ବ୍ଲୁଟୁଥ୍ ନାହିଁ । ରଙ୍ଗର ବିକଳ୍ପ ପାଇଁ ଏଥିରେ କଳା ଧଳା, କଳା ସହିତ ଲାଲ୍, ହଳଦିଆ ସହିତ କଳା ଓ ଗ୍ଲସି ବ୍ଲାକ୍ ସାମିଲ । ୯୧, ୪୦୦ ଟଙ୍କାର ଏକ୍ସ ଶୋରୁମ୍ ଦାମ୍ ସହିତ ଷ୍ଟାଣ୍ଡାର୍ଡ ଭାରିଆଣ୍ଟ ଆଭେନିସ୍ ଲାଇନଅପର ସବୁଠାରୁ କମ୍ ଦାମର ମଡେଲ ।
Comments are closed.