କଟକ : ରେଲୱେ ସେଟଲମେଣ୍ଟ ୟୁପିଏସ କ୍ଲଷ୍ଟର ସ୍ତରୀୟ ଶିଶୁ ମହୋତ୍ସବ- ‘ସୁରଭି-୨୦୨୩’ ଏବଂ ‘ଓଡ଼ିଶା ମିଲେଟସ ପ୍ରତିଯୋଗିତା’ ରେଲୱେ ସେଟଲମେଣ୍ଟ ଉଚ୍ଚ ପ୍ରାଥମିକ ବିଦ୍ୟାଳୟରେ ଶୁକ୍ରବାର ଅନୁଷ୍ଠିିତ ହୋଇଯାଇଛି। ସିଆରସିସି ସଙ୍ଗୀତା ଦାଶଙ୍କ ଅଧ୍ୟକ୍ଷତାରେ ଆୟୋଜିତ ଏହି ଉତ୍ସବରେ କଟକ ମହାନଗର ନିଗମ ୩୮ ନମ୍ବର ୱାର୍ଡର କର୍ପୋରେଟର ଶୁଭାଶିଷ ପଟ୍ଟନାୟକ ମୁଖ୍ୟ ଅତିଥି ଓ କଟକ ସଦର ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ(ଏବିଇଓ) ଅନନ୍ତ ଚରଣ ଦେହୁରୀ ସମ୍ମାନିତ ଅତିଥି ଭାବେ ଯୋଗଦେଇଥିଲେ । ବିଦ୍ୟାଳୟ ପରିଚାଳନା କମିଟିର ସଭାପତି ପ୍ରତିମା ନାୟକ, ପରିଚାଳନା କମିଟିର ସଭ୍ୟା ସ୍ୱର୍ଣ୍ଣଲତା ବେହେରା ଏବଂ କ୍ଲଷ୍ଟରର ସମସ୍ତ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଓ ପୂର୍ବତନ ସିଆରସିସି ଭାରତୀ ଦାସ ଯୋଗ ଦେଇଥିଲେ ।
ରେଲୱେ ସେଟଲମେଣ୍ଟ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସନ୍ଧ୍ୟାରାଣୀ ଦାସ, କ୍ଲଷ୍ଟର ଅଧିନସ୍ଥ ସମସ୍ତ ବିଦ୍ୟାଳୟ, ଉଚ୍ଚ ବିଦ୍ୟାଳୟ ଓ ରେଭେନ୍ସା ଉଚ୍ଚ ମାଧ୍ୟମିକ ବିଦ୍ୟାଳୟର ଶିକ୍ଷକ- ଶିକ୍ଷୟିତ୍ରୀ ସହଯୋଗ କରି ପ୍ରତିଯୋଗିତାକୁ ସଂପାଦନ କରିଥିଲେ । ଅନ୍ୟମାନଙ୍କ ମଧ୍ୟରେ ହେମଲତା ସେନାପତି, ମୋହନ ଚରଣ ନାୟକ, ରାଜଲକ୍ଷ୍ମୀ ମହାପାତ୍ର, ସମିନା ବେଗମ, ପ୍ରଭାଞ୍ଜଳୀ ଜେନା, ମମତା ଖଣ୍ଡେଇ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଶେଷରେ ବିଦ୍ୟାଳୟର ସହକାରୀ ଶିକ୍ଷୟିତ୍ରୀ ଜୟଶ୍ରୀ ପରମଗୁରୁ ଧନ୍ୟବାଦ ଅର୍ପଣ କରିଥିଲେ ।
