ନୂଆଦିଲ୍ଲୀ – ଦି କେରଲା ଷ୍ଟୋରୀ ଚଳଚ୍ଚିତ୍ରକୁ ପଶ୍ଚିମବଙ୍ଗରେ ନିଷେଧ ଘୋଷଣା କରିବା ଆଦେଶ ଉପରେ ରହିତାଦେଶ ଜାରି କଲେ ଉଚ୍ଚତମ ନ୍ୟାୟାଳୟ। ଉଚ୍ଚତମ ନ୍ୟାୟାଳୟ ପଶ୍ଚିମବଙ୍ଗ ସରକାରଙ୍କ ଏହି ନିଷ୍ପତ୍ତି ଉପରେ ରହିତାଦେଶ ଜାରି କରିଛନ୍ତି । ମେ ୮ ତାରିଖରେ ପଶ୍ଚିମବଙ୍ଗରେ ଏହି ଚଳଚ୍ଚିତ୍ର ପ୍ରଦର୍ଶନ ଉପରେ କଟକଣା ଜାରି କରାଯାଇଥିଲା । ଏବେ ଏହାକୁ ପଶ୍ଚିମବଙ୍ଗରେ ପ୍ରଦର୍ଶିତ କରାଯାଇପାରିବ ।
ଏଥିରେ ଉତ୍ତେଜନାମୂଳକ ଟିପ୍ପଣୀ ଦିଆଯାଇଥିବା ପଶ୍ଚିମବଙ୍ଗ ସରକାର କହିଥିଲେ । ପ୍ରଧାନ ବିଚାରପତି ଏହାର ଶୁଣାଣୀ କରିଥିଲେ । ସିନେମାକୁ ସେନ୍ସର ବୋର୍ଡରୁ ମିଳିଥିବା ପ୍ରମାଣପତ୍ର ବିଷୟରେ ଗ୍ରୀଷ୍ମ ଅବକାଶ ପରେ ଶୁଣାଣୀ କରାଯିବ ବୋଲି ଅଦାଲତ କହିଛନ୍ତି । ଏହାକୁ ମୁକ୍ତିଲାଭ କରାଯାଉଥିବା ଏବଂ ପ୍ରଦର୍ଶନ କରାଯାଉଥିବା ପ୍ରେକ୍ଷାଳୟମାନଙ୍କରେ ରାଜ୍ୟ ସରକାର ସୁରକ୍ଷା ପ୍ରଦାନ କରିବେ ଏହା ରାଜ୍ୟ ସରକାରଙ୍କ ଦାୟିତ୍ୱ ବୋଲି ଅଦାଲତ ନିର୍ଦେଶ ଦେଇଛନ୍ତି ।
ସିନେମା ପ୍ରଯୋଜକଙ୍କ ପକ୍ଷରୁ ବରିଷ୍ଠ ଆଇନଜୀବୀ ହରିଶ ସାଲଭେ ଏବଂ ପଶ୍ଚିମବଙ୍ଗ ସରକାରଙ୍କ ପକ୍ଷରୁ ଅଭିଷେକ ମନୁ ସିଙ୍ଗଭି ମକଦ୍ଦମା ଲଢୁଥିଲେ। ଅସହିଷ୍ଣୁତାକୁ ଦେଖି ଚଳଚ୍ଚିତ୍ର ନିଷେଧ କଲେ କେବଳ କାର୍ଟୁନ୍ ଏବଂ ଖେଳ ଚ୍ୟାନେଲ୍ ହିଁ ରହିବ ବୋଲି ପ୍ରଧାନବିଚାରପତି କହିଥିଲେ ।
ସାରା ଦେଶରେ ଏହି ସିନମା ଚାଲିଥିବା ବେଳେ ପଶ୍ଚିମବଙ୍ଗରେ କାହିଁକି ଚାଲି ପାରିବ ନାହିଁ ବୋଲି ସେ ପ୍ରଶ୍ନ କରିଥିଲେ ।
ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏହାକୁ ମେ ୮ ତାରିଖରେ ନିଷେଧ ଘୋଷଣା କରିବା ସହ ପଶ୍ଚିମବଙ୍ଗରେ ଏହାକୁ ପ୍ରଦର୍ଶନ କରାଯିବ ନାହିଁ ବୋଲି ନିର୍ଦେଶ ଦେଇଥିଲେ ।
