ଭୁବନେଶ୍ୱର : ରେମୁଣାର ପୂର୍ବତନ ବିଧାୟକ ସୁଦର୍ଶନ ଜେନା କଂଗ୍ରେସରେ ସାମିଲ ହୋଇଛନ୍ତି । ସୋମବାର ପ୍ରଭାରୀ, ପିସିସି ସଭାପତିଙ୍କ ଉପସ୍ଥିତିରେ କଂଗ୍ରେସରେ ସାମିଲ ହେବା ସମୟରେ ଗଣତନ୍ତ୍ରକୁ ବଞ୍ଚାଇବାକୁ କଂଗ୍ରେସରେ ଯୋଗ ଦେଲି ବୋଲି କହିଛନ୍ତି ସୁଦର୍ଶନ ଜେନା । କହିରଖୁଛୁ ୩ ଦିନ ତଳେ ସେ ବିଜେଡିରୁ ଇସ୍ତଫା ଦେଇଥିଲେ । ନିଜ ଇସ୍ତଫାପତ୍ର ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପାଖକୁ ପଠାଇଥିଲେ । ତାଙ୍କୁ ଦଳରେ ଅପମାନ ଏବଂ ଅଣଦେଖା କରାଯାଉଥିଲା ବୋଲି ସେ ଇସ୍ତଫା ଦେଇଛନ୍ତି ବୋଲି ପତ୍ରରେ ଦର୍ଶାଇଥିଲେ ।
