ବଡ଼ମ୍ବା : ପାରିବାରିକ ସମସ୍ୟାକୁ କେନ୍ଦ୍ରକରି ଜଣେ ଯୁବକ ମହାନଦୀକୁ ଡେଇଁ ଆତ୍ମହତ୍ୟା ଉଦ୍ୟମ କରି ଅଳ୍ପକେ ବର୍ତ୍ତି ଯାଇଛନ୍ତି। ଯୁବକ ଜଣଙ୍କ ହେଲେ ତିଗିରିଆ ଥାନା ଅନ୍ତର୍ଗତ ନୂଆପାଟଣା ଅଂଚଳର ଏବଂ ତାଙ୍କ ବାପା ନରସିଂହପୁରରେ ଶିକ୍ଷକତା କରୁଥିବା ଜଣାଯାଇଛି। ଭୁବନେଶ୍ୱରରୁ ଘରକୁ ଫେରୁଥିବା ବେଳେ ସେ ଏମିତି ପଦକ୍ଷେପ ନେଇଥିବା ପରିବାରର ନିକଟତମ ସଦସ୍ୟଙ୍କଠୁ ଜଣାଯାଇଛି। ଏଭଳି ଅଭାବନୀୟ ଘଟଣା ବଡମ୍ବା ସିଂହାନାଥ ପୀଠ ନିକଟସ୍ଥ ଟି ସେତୁରେ ଘଟିଛି। ଖବରପାଇ ବଡ଼ମ୍ବା ଅଗ୍ନିଶମ କେନ୍ଦ୍ରର ଆଗ୍ନିକଙ୍କ ତତ୍କାଳ ପଦକ୍ଷେରୁ ସଂପୃକ୍ତ ଯୁବକଙ୍କୁ ଆହତ ଅବସ୍ଥାରେ ନଦୀରୁ ଉଦ୍ଧାର କରାଯାଇଥିଲା। ପରେ ପରେ ସଂପୃକ୍ତ ଯୁବକଙ୍କୁ ଚିକିତ୍ସା ଲାଗି ବଡ଼ମ୍ବା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଆହତ ଯୁବକଙ୍କ ସ୍ୱାସ୍ଥ୍ୟବସ୍ଥା ଯଦିଓ ଭଲ ଅଛି ତେବେ ପ୍ରାଥମିକ ଚିକିତ୍ସା ପରେ ଅଧିକ ଚିକିତ୍ସା ଲାଗି ତାଙ୍କୁ କଟକ ଯିବାକୁ ପରାମର୍ଶ ଦିଆଯାଇଥିବା ଡାକ୍ତଖାନା ସୂତ୍ରରୁ ପ୍ରକାଶ।
Comments are closed.