ନୂଆଦିଲ୍ଲୀ : ଭାରତୀୟ ଜନତା ପାର୍ଟିର ବରିଷ୍ଠ ନେତା ତଥା ସାସଂଦ ସୁବ୍ରମଣ୍ୟମ ସ୍ୱାମୀ ‘ ମେ ଭି ଚୌକିଦାର’ ଅଭିଯାନର ସମାଲୋଚନା କରିଛନ୍ତି। ସେ କହିଛନ୍ତି ମୁଁ ମୋ ନାମ ବଦଳାଇବାକୁ ଚାହୁଁନାହିଁ, ବର୍ତ୍ତମାନ ପର୍ଯ୍ୟନ୍ତ ମୋ ନାମ ଆଗରେ ଚୌକିଦାର ଲେଖିନାହିଁ। ମୁଁ ଜଣେ ବ୍ରାହ୍ମଣ ହୋଇଥିବାରୁ ଚୌକିଦାର ଲେଖିପାରିବି ନାହିଁ ବୋଲି ସୁବ୍ରମଣ୍ୟମ ସ୍ୱାମୀ କହିଛନ୍ତି। ଚୌକିଦାରଙ୍କୁ ମୁଁ ଆଦେଶ ଦେଇପାରିବି ନିଜ ନାମ ଆଗରେ ଚୌକିଦାର ଲେଖିପାରିବି ନାହିଁ ବୋଲି ସୁବ୍ରମଣ୍ୟମ ସ୍ୱାମୀ କହିଛନ୍ତି। ସୁବ୍ରମଣ୍ୟମ ସ୍ୱାମୀଙ୍କ ଏହି ବୟାନ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି।
ସୂଚନାଯୋଗ୍ୟ ଯେ ଲୋକସଭା ନିର୍ବାଚନକୁ ନଜରରେ ରଖି ‘ମେ ଭି ଚୌକିଦାର’ ଅଭିଯାନ ଆରମ୍ଭ କରିଥିଲା। କ୍ୟାମ୍ପେନ ଅନୁସାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ବିଜେପି ଅଧ୍ୟକ୍ଷ ଅମିତ ଶାହା ଓ ବହୁ ବିଜେପି କର୍ମକତ୍ତା ଟୁଇଟରରେ ନିଜର ନାମ ଆଗରେ ଚୌକିଦାର ଲେଖିଥିଲେ। ଏହି ଅଭିଯାନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆରମ୍ଭ କରିଥିଲେ।
