ସୁଆଣ୍ଡୋ : ମହାମାରୀ କରୋନା ସଂକ୍ରମଣକୁ ରୋକିବା ପାଇଁ ଲକ ଡାଉନ ହୋଇଛି । ଏହି ଲକ୍ ଡାଉନ ସମୟରେ ପ୍ରଶାସନ ପକ୍ଷରୁ ବିଭିନ୍ନ ହାଟ ମାନଙ୍କୁ ବନ୍ଦ କରାଯାଇଛି। କାରଣ ହାଟ ମାନଙ୍କରେ ସମାଜିକ ଦୂରତ୍ଵ ପାଳନ ହେଉନଥିଲା। ଏହି କ୍ରମରେ ପୁରୀ ଜିଲା ପ୍ରଶାସନ ପକ୍ଷରୁ ସତ୍ୟବାଦୀବ୍ଲକ ର ଗବକୁଣ୍ଡ, ଇନ୍ଦିପୁର, ସାରଙ୍ଗଯୋଡି, ନଳିତାପହଣ୍ଡିର ସାପ୍ତାହିକ ହାଟକୁ ପ୍ରଶାସନ ପକ୍ଷରୁ ବନ୍ଦ କରାଯାଇଛି । ସପ୍ତାହର ବିଭିନ୍ନ ବାର ଅନୁସାରେ ଏହି ହାଟ ବସିଥାଏ । ଚାଷୀମାନେ ନିଜ ବିଲ ବାଡିରେ କରିଥିବା ପନିପରିବା ସବୁ ହାଟ ମାନଙ୍କରେ ବିକ୍ରି କରିଥାନ୍ତି । ପୁରୀ ଚନ୍ଦନପୁର ଚାଷୀମାନେ ଉତ୍ପାଦନ କରୁଥିବା ପରିବା ସାକ୍ଷୀଗୋପାଳ ଭୁବନେଶ୍ବର ଆଦି ସହରର ପରିବା ବେପାରୀ ମାନେ କିଣି ନେଇଥାନ୍ତି । ସେହିପରି ସ୍ଥାନୀୟ ଖାଉଟି ମାନେ ମଧ୍ୟ ପରିବା ପାଇଁ ଏହି ହାଟ ଉପରେ ନିର୍ଭର କରନ୍ତି । କରୋନା ସଂକ୍ରମଣ ରୋକିବାକୁ ସମାଜିକ ଦୂରତା ରଖିବା ସରକାରୀ ସ୍ତରରେ ସଚେତନ କରାଗଲା । ହେଲେ କେତେକ ଅମାନିଆ ଲୋକ ନିୟମ କାନୁନ ମାନି ନଥିଲେ । ଗୋଷ୍ଠୀ ସଂକ୍ରମଣ ନହେବା ପାଇଁ ପ୍ରଶାସନ ହାଟ ଗୁଡିକ ବନ୍ଦ କରିଦେଲେ । ଏବେ ଚାଷୀର ବିଲରେ ଫସଲ ନଷ୍ଟ ହୋଇଯାଉଛି ତେଣେ ଖାଉଟି ପରିବା କିଣିବାକୁ ପାଉନାହାନ୍ତି । ପୋଲିସ ଭୟରେ ବାଇକ ଡାଲାଅଟୋ ଦ୍ଵାରା ବ୍ୟବସାୟୀ ମାନେ ପରିବା କିଣି ସହରକୁ ନେଇ ପାରୁନାହାନ୍ତି । ଚାଷୀ ମାନେ ମୁଣ୍ଡରେ ହାତ ଦେଇ ବସିଲେଣି । ପ୍ରଶାସନ ତରଫରୁ ଏହି ପରିସ୍ଥିତିର କିପରି ସମାଧାନ କରାଯିବ ସେଥିପ୍ରତି ଦୃଷ୍ଟି ଦେବାକୁ ସବୁସ୍ତରରୁ ଦାବି ହେଉଛି।
Comments are closed.