ନୂଆଦିଲ୍ଲୀ : ୟୁପିର ବାରଣାସୀରେ ସୁନା କିଣିବା ପାଇଁ ସୁବର୍ଣ୍ଣ ସୁଯୋଗ । ସୁନା ଦାମ୍ ବାରଣାସୀରେ ଧିରେ ଧିରେ ତଳକୁ ଖସୁଛି । ଶୁକ୍ରବାର ଅକ୍ଷୟ ତୃତୀୟାରେ ସର୍ରୋଫା ବଜାର ଖୋଲିବା ସହିତ ୧୮ କ୍ୟାରେଟଠୁ ଆରମ୍ଭ କରି ୨୪ କ୍ୟାରେଟ୍ ପର୍ଯ୍ୟନ୍ତ ସୁନା ଦାମ ହ୍ରାସ ପାଇଛି । ବାରଣାସୀରେ ୨୨ କ୍ୟାରେଟ୍ ୧୦ ଗ୍ରାମ ସୁନା ଦାମ୍ ୧୦୦ ଟଙ୍କା ହ୍ରାସ ପାଇ ୬୬,୩୦୦ ଟଙ୍କା ହୋଇଯାଇଛି ।
ମେ ୧୦ରେ ୧୮ କ୍ୟାରେଟ୍ ସୁନା ଦାମ୍ ୮୦ ଟଙ୍କା କମିବା ପରେ ଏହାର ଦାମ୍ ୫୪,୨୫୦ ଟଙ୍କା ହୋଇଯାଇଛି । ସେହିଭଳି ୨୪ କ୍ୟାରେଟ୍ ଶୁଦ୍ଧ ସୁନା ଶୁକ୍ରବାର ୧୧୦ ଟଙ୍କା ହ୍ରାସ ପାଇ ୭୧,୬୦୦ ଟଙ୍କାରେ ପହଞ୍ଚି ଯାଇଛି । କହିରଖୁଛୁ ସୁନା ରୂପା ଦାମରେ ପ୍ରତିଦିନ ଟ୍ୟାକ୍ସ ଏବଂ ଉତ୍ପାଦ ଶୁଳ୍କ ଯୋଗୁଁ ହ୍ରାସ ପାଇବାରେ ଲାଗିଛି ।
ତେବେ ରୂପା ଦାମ୍ ସାମାନ୍ୟ ବଢିଛି । ସର୍ରୋଫା ବଜାର ଖୋଲିବା ସହିତ ରୂପା ୨୦୦ ଟଙ୍କା ପ୍ରତି କିଲୋ ବୃଦ୍ଧି ପାଇ ୮୫୨୦୦ ଟଙ୍କା ହୋଇଯାଇଛି । ଏହା ପୂର୍ବରୁ ୯ ମେରେ ଏହାର ଦାମ୍ ୮୫,୦୦୦ ଟଙ୍କା ଥିଲା । କହିରଖୁଛୁ ସୁନାର ଶୁଦ୍ଧତା କ୍ୟାରେଟରେ ମପାଯାଏ । ୨୪ କ୍ୟାରେଟ୍ ସୁନା ସବୁଠାରୁ ଶୁଦ୍ଧ ହୋଇଥାଏ । ଏଥିରେ ୯୯.୯ ପ୍ରତିଶତ ସୁନା ଥାଏ । ତେବେ ଅଳଙ୍କାର ପାଇଁ ୨୨, ୨୦ ଏବଂ ୧୮ କ୍ୟାରେଟର ସୁନା ବ୍ୟବହାର କରାଯାଏ । ଆଇଏସଆଇ ହଲମାର୍କରେ ସୁନାର ଶୁଦ୍ଧତାକୁ ଯାଞ୍ଚ କରାଯାଏ । ହଲମାର୍କ ସୁନାର ଗହଣାରେ ଲଗାଯାଉଥିବା ଏକ ସରକାରୀ ଚିହ୍ନ ଯାହା ଭାରତୀୟ ମାନକ ବ୍ୟୁରୋ ଜାରି କରିଥାଏ ।
Comments are closed.