ଛାତ୍ର ସଂସଦ ନିର୍ବାଚନରେ ହିଂସାରୁ ଦୂରେଇ ରହିବା ପାଇଁ ସଚେତନତାର ବାର୍ତ୍ତା ବାଣ୍ଟିଲେ ସ୍ଵେଚ୍ଛାସେବୀ
ସୁଆଣ୍ଡୋ : ରାଜ୍ୟର ମହାବିଦ୍ୟାଳୟ ଗୁଡିକରେ ହେବାକୁ ଥିବା ନିର୍ବାଚନରେ ହିଂସାକୁ ବିରୋଧ କରି ସ୍ୱେଚ୍ଛାସେବୀ ମାନେ ସଚେତନତାର ବାର୍ତ୍ତା ପ୍ରଚାର ଆରମ୍ଭ କରିଛନ୍ତି । ଗଣତାନ୍ତ୍ରିକ ମୂଲ୍ୟବୋଧକୁ ସମ୍ମାନ ଦେଇ ଛାତ୍ରଛାତ୍ରୀଙ୍କ ମଧ୍ୟରେ ଭାଇଚାରା ରକ୍ଷା କରି ଶାନ୍ତିପୂର୍ଣ୍ଣ ଭାବେ ନିର୍ବାଚନ କରାଯିବା ପାଇଁ ରୟାଲ ଡେଲାଙ୍ଗ ଟ୍ରିପଲ ଟୁ ( ୨୨୨ ) ପକ୍ଷରୁ ପ୍ରୟାସ ଆରମ୍ଭ ହୋଇଛି । ପୁରୀ ଏସ୍ସିଏସ୍ କଲେଜ, ଶାହା କଲେଜ, ମହିଳା କଲେଜ ଠାରୁ ଆରମ୍ଭ କରି ବସଷ୍ଟାଣ୍ଡ ରେଳ ଷ୍ଟେସନରେ ଛାତ୍ରଛାତ୍ରୀମାନଙ୍କୁ ଏହି ବାର୍ତ୍ତା ଦେଇଥିଲେ । ଆସନ୍ତା ମାସରେ କଲେଜ ଗୁଡିକରେ ନିର୍ବାଚନ ହେବାକୁ ଯାଉଛି । ଏହି ଜନ ସଚେତନତା କାର୍ୟ୍ୟକ୍ରମ ରାଜ୍ୟର ବିଭିନ୍ନ କଲେଜ ଗୁଡିକରେ କରାଯିବ ବୋଲି ଅନୁଷ୍ଠାନ ପକ୍ଷରୁ କୁହାଯାଇଛି। ଏହି କାର୍ୟ୍ୟକ୍ରମକୁ ଅବିଭାବକ ଛାତ୍ରଛାତ୍ରୀ ଓ ଜନସାଧାରଣ ପ୍ରଶଂସା କରୁଥିବା ଦେଖିବାକୁ ମିଳୁଛି ।