ସୋର : ସ୍କୁଲରେ ନଡିଆ ତୋଳୁଥିବା ବେଳେ ଛାତିରେ ନଡିଆ ପଡିଯିବାରୁ ଜଣେ ଛାତ୍ରଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ଛାତ୍ରଙ୍କ ମା’ ଏହି ଅଭିଯୋଗ କରିଛନ୍ତି। ଏହାର ପ୍ରତିବାଦରେ ଅଭିଭାବକ ଓ ସ୍ଥାନୀୟ ଲୋକେ ସ୍କୁଲରେ ତାଲା ପକାଇ ଦେଇଛନ୍ତି। ଏହାସହ ଟାୟାର ଜାଳି ଦୋକାନ ବଜାର ବନ୍ଦ କରିବା ସହ ରାସ୍ତା ଅବରୋଧ କରିଛନ୍ତି। ମୃତ ଛାତ୍ର ଜଣକ ହେଉଛନ୍ତି ବାଲେଶ୍ବର ଜିଲା ସୋର ଥାନା ଅନ୍ତର୍ଗତ ମାଣିପୁର ଗ୍ରାମର ଯଦୁଦାଥ ବେହେରାଙ୍କ ସାନପୁଅ ଅନରଞ୍ଜନ ବେହେରା (୧୩)।
ସୂଚନାଯୋଗ୍ୟ ଯେ, ଅନରଞ୍ଜନ ମାଣିପୁର ସ୍ଥିତ ମଧୁବନ ନୋଡାଲ ବିଦ୍ୟାଳୟରେ ସପ୍ତମ ଶ୍ରେଣୀରେ ପଢନ୍ତି। ଗତ ୨୧ତାରିଖ ଦିନ ସେ ସ୍କୁଲକୁ ଯାଉଥିବା ବେଳେ ଶିକ୍ଷକମାନେ ନଡିଆ ତୋଳୁଥିଲେ। ସେହି ସମୟରେ ଅନରଞ୍ଜନଙ୍କ ଛାତିରେ ଏକ ନଡିଆ ପଡି ମାଡ ହୋଇଥିଲା। ଏହାଫଳରେ ତାଙ୍କର ବାନ୍ତି ହେବାରୁ ପରିବାର ଲୋକେ ତାଙ୍କୁ ସୋର ଡାକ୍ତରଖାନାକୁ ଆଣିଥିଲେ। ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଯାଇଥିଲା। ଏହାର ପ୍ରତିବାଦରେ ସ୍ଥାନୀୟ ଲୋକ ଓ ଅଭିଭାବକମାନେ ଶିକ୍ଷକଙ୍କୁ ସ୍କୁଲ ଫାଟକ ନିକଟରେ ଅଟକ ରଖିଛନ୍ତି।କ