ସମ୍ବଲପୁର: ବିଜୁ ଏକ୍ସପ୍ରେସ୍ ଟୋଲ ଗେଟରେ ଅର୍ଥ ସଂଗ୍ରହକୁ ବିରୋଧ କରି ଆଜିଠୁ ସମ୍ବଲପୁରରେ ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି । ‘ରାଜପଥ ବ୍ୟବହାରକାରୀ ମଞ୍ଚ’ପକ୍ଷରୁ ଏହି ଆହ୍ବନ ଦିଆଯାଇଥିବା ବେଳେ ଏଥିରେ ଓକିଲ ସଂଘ, ରାଜନୈତିକ ଦଳ ସହ ଆଦିବାସୀ ଦଳିତ ସେନା ମଧ୍ୟ ସାମିଲ ହୋଇଛନ୍ତି । ଏହାର ପ୍ରଭାବରେ ରାସ୍ତାରେ ଯାନବାହନ ଚଳାଚଳ ଓ ଦୋକାନ-ବଜାର ବନ୍ଦ ରହିବା ସହ ବିଭିନ୍ନ ସରକାରୀ ଓ ବେସରକାରୀ କାର୍ୟ୍ୟାଳୟରେ ମଧ୍ୟ ବନ୍ଦର ପ୍ରଭାବ ଦେଖିବାକୁ ମିଳିଛି । ସ୍କୁଲ, କଲେଜ, ଡାକ୍ତରଖାନା, ଦୁଗଧ ଗାଡ଼ି, ଗ୍ୟାସ ଗାଡ଼ି, ଦମକଳ, ଆମ୍ବୁଲାନସ, ଚିକିତ୍ସା ପାଇଁ ଯାଉଥିବା ଲୋକଙ୍କ ଗାଡ଼ି, ସ୍କୁଲ କଲେଜ ୟୁନିଫର୍ମ ପିନ୍ଧିଥିବା ଛାତ୍ରଛାତ୍ରୀଙ୍କ ଗାଡ଼ି, ବିବାହ କାର୍ୟ୍ୟରେ ନିଯୋଜିତ ଗାଡ଼ି ଆଦିକୁ ବନ୍ଦରୁ ବାଦ ଦିଆଯାଇଛି ।
