ଭୁବନେଶ୍ୱର : ଶ୍ରୀ ସତ୍ୟ ସାଇ ସେବା ସଂଗଠନ (ଭାରତ) ଓଡ଼ିଶା ଓ ନାରାୟଣ ସେବା ସଂସ୍ଥାନ, ଉଦୟପୁର, ରାଜସ୍ଥାନର ମିଳିତ ସହଭାଗିତାରେ ୟୁନିଟ୍ ୩ ସ୍ଥିତ ସତ୍ୟସାଇ ସେବା ସଂଗଠନର ‘ସାଇଜନନୀ’ ଠାରେ କୃତିମ ଅଙ୍ଗ ପ୍ରତିରୋପଣ ଶିବିର ଅନୁଷ୍ଠିତ ହୋଇଯାଇଅଛି। ଗତ ତା ୧୮.୧୧.୨୦୨୩ରିଖ ରେ ଅନୁଷ୍ଠିତ କୃତ୍ରିମ ଅଙ୍ଗ ପ୍ରତିରୋପଣ ମାପ ଓ ପରାମର୍ଶ ଚିକିତ୍ସା ଶିବିରରେ କିଛି ବ୍ୟକ୍ତିବିଶେଷଙ୍କ କୃତ୍ରିମ ଅଙ୍ଗ ପାଇଁ ମାପ ନିଆଯାଇଥିଲା । ଆଜି କୃତ୍ରିମ ଅଙ୍ଗ ପ୍ରତ୍ୟଙ୍ଗର ପ୍ରତିରୋପଣ ପ୍ରଦାନ କରାଯାଇ ସେମାନଙ୍କୁ ପରବର୍ତ୍ତି ଚିକିତ୍ସା ପାଇଁ ପରାମର୍ଶ ଦିଆଯାଇଥିଲା। ଓଡ଼ିଶା ର ବିଭିନ୍ନ ଜିଲାର ୧୮୫ ଜଣଙ୍କର କୃତ୍ରିମ ଅଙ୍ଗ ପ୍ରତିରୋପଣ କରାଯାଇଥିଲା।
ସର୍ବଭାରତୀୟ ସ୍ତରରେ ପ୍ରସିଦ୍ଧ ଲାଭ କରିଥିବା ନାରାୟଣ ସେବା ସଂସ୍ଥାନ ଦ୍ଵାରା ପ୍ରସ୍ତୁତ କରାଯାଇଥିବା ଅତି ଉଚ୍ଚମାନର କୃତ୍ରିମ ଅଙ୍ଗ ପ୍ରତିରୋପଣ ଦ୍ବାରା ସମସ୍ତ ଦିବ୍ୟଙ୍ଗ ମାନେ ବହୁତ ପ୍ରଶଂସା କରି ଖୁସି ହୋଇଥିଲେ।
ନାରାୟଣ ସେବା ସଂସ୍ଥାନର ଡାକ୍ତର ମାନସ କୁମାର ସାହୁ, ସଂଯୋଜକ ଲାଲ୍ ସିଂ ଭାଟି ତଥା ୧୩ଜଣ ସହଯୋଗୀ ସହିତ ଶ୍ରୀ ସତ୍ୟସାଇ ସେବା ସଂଗଠନ ଓଡ଼ିଶା ର ରାଜ୍ୟ ସଭାପତି, ଉପ ସଭାପତି, ଭୁବନେଶ୍ୱର ସାଇ ଜିଲା ସଭାପତି ତଥା ଜିଲାର ସମସ୍ତ ୬ଟି ସତ୍ୟସାଇ ସେବା ସମିତି ର ଆବାହକ, କର୍ମକର୍ତ୍ତା ଓ ସାଇ ସେବକ ଓ ସେବିକାମାନଙ୍କର ସେବାରେ କୃତିମ ଅଙ୍ଗ ପ୍ରତିରୋପଣ ଶିବିର ସମ୍ପନ୍ନ ହୋଇଯାଇଥିଲା।
Comments are closed.