ନୂଆଦିଲ୍ଲୀ: ବିସିସିଆଇ ସଭାପତି ପଦ ଛାଡିବାକୁ ଥିବା ପୂର୍ବତନ ଭାରତୀୟ କ୍ରିକେଟର ସୌରଭ ଗାଙ୍ଗୁଲି କ୍ରିକେଟ ଆସୋସିଏସନ ଅଫ ବେଙ୍ଗଲ (ସିଏବି) ସଭାପତି ପଦକୁ ପୁନର୍ବାର ଫେରିବେ। ଏ ନେଇ ଶନିବାର ଗାଙ୍ଗୁଲି ସୂଚନା ଦେଇଛନ୍ତି। ଗାଙ୍ଗୁଲି ପୂର୍ବରୁ ୨୦୧୫ରୁ ୨୦୧୯ ପର୍ଯ୍ୟନ୍ତ ୪ ବର୍ଷ ପାଇଁ ସିଏବିର ସଭାପତି ରହିଥିଲେ। ୨୦୧୯ରେ ବିସିସିଆଇ ସଭାପତି ହେବା ପରେ ଗାଙ୍ଗୁଲି ସିଏବି ସଭାପତି ପଦ ଛାଡିଥିଲେ। ଏବେ ଗାଙ୍ଗୁଲି ବିସିସିଆଇ ସଭାପତି ପଦରୁ ହଟିବା ନେଇ ସ୍ପଷ୍ଟ ହୋଇଥିବାରୁ ସିଏବିକୁ ଫେରିବାକୁ ନିଷ୍ପତ୍ତି ନେଇଛନ୍ତି। ସିଏବି ନିର୍ବାଚନରେ ସଭାପତି ଭାବେ ଲଢିବାକୁ ସ୍ଥିର କରିଛି। ଅକ୍ଟୋବର ୨୨ରେ ନାମାଙ୍କନପତ୍ର ଦାଖଲ କରିବାକୁ ନିଷ୍ପତ୍ତି ନେଇଛି ବୋଲି ଗାଙ୍ଗୁଲି କହିଛନ୍ତି। ସୂଚନାଯୋଗ୍ୟ ବିସିସିଆଇର ପରବର୍ତ୍ତୀ ସଭାପତି ଭାବେ ରୋଜର ବିନ୍ନି ହେବା ନେଇ ଯଥେଷ୍ଟ ସମ୍ଭାବନା ରହିଛି।
Comments are closed.