ଡେସ୍କ: ଏଚଆଇଭି ଆଇନର ପ୍ରଭାବଶାଳୀ କାର୍ଯ୍ୟକାରିତା ନିଶ୍ଚିତ କରିବାକୁ ସୁପ୍ରିମକୋର୍ଟ କେନ୍ଦ୍ର ଏବଂ ରାଜ୍ୟ ସରକାରଙ୍କୁ ଅନେକ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ଦେଇଛନ୍ତି। ଦେଶର ସମସ୍ତ ଅଦାଲତ, ଟ୍ରିବ୍ୟୁନାଲ ଏବଂ ନ୍ୟାୟିକ ସଂସ୍ଥାକୁ ଏଚ୍.ଆଇ.ଭି ଆଇନର ଧାରା ୩୪ (୨) ଅନୁଯାୟୀ ଏଚ୍.ଆଇ.ଭି ସଂକ୍ରମିତ ବ୍ୟକ୍ତିଙ୍କ ସହ ଜଡିତ ମାମଲାଗୁଡ଼ିକର ଶୀଘ୍ର ସମାଧାନକୁ ପ୍ରାଧାନ୍ୟ ଦେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।
ଜାତୀୟ ଉପଭୋକ୍ତା ବିବାଦ ସମାଧାନ କମିଶନଙ୍କ ନିଷ୍ପତ୍ତି ବିରୋଧରେ ଏକ ଆବେଦନ ଶୁଣାଣି ବେଳେ କୋର୍ଟ ଏହି ନିର୍ଦ୍ଦେଶ ଦେଇଛନ୍ତି ଯେଉଁଥିରେ ପୂର୍ବତନ ଭାରତୀୟ ବାୟୁସେନା ଅଧିକାରୀଙ୍କ କ୍ଷତିପୂରଣ ଦାବି ପ୍ରତ୍ୟାଖ୍ୟାନ କରାଯାଇଥିଲା। ସମ୍ପୃକ୍ତ ପୂର୍ବତନ ଅଧିକାରୀ ହସ୍ପିଟାଲରେ ରକ୍ତଦାନ କରୁଥିବା ସମୟରେ ଏଚ୍.ଆଇ.ଭି ସଂକ୍ରମିତ ହୋଇଥିଲେ। ତାଙ୍କୁ ୧ କୋଟି ୫୦ ଲକ୍ଷ ଟଙ୍କା କ୍ଷତିପୂରଣ ପ୍ରଦାନ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ଏଚ୍ଆଇଭି ସଂକ୍ରମିତ ବ୍ୟକ୍ତିଙ୍କ ପରିଚୟକୁ ଅଜ୍ଞାତ ରଖିବା ପାଇଁ ପଦକ୍ଷେପ ନେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।
