ଗୁରୁଡିଝାଟିଆ : ଆଠଗଡ ବନଖଣ୍ଡ ପକ୍ଷରୁ କଖଡି ଠାରେ ସୌର ତାରବାଡ ଉଦଘାଟିତ ହୋଇଛି । ବନ୍ୟପ୍ରାଣୀଙ୍କ କବଳରୁ ବିଶେଷତଃ ହାତୀମାନଙ୍କୁ ଫସଲ ମୁହଁରୁ ବାଧାଦେବା ପାଇଁ ଖୁଣ୍ଟୁଣୀ ବନାଞ୍ଚଳ ପକ୍ଷରୁ କଖଡିର ଚାଷୀମାନଙ୍କ ହିତ ଦୃଷ୍ଟରୁ ସୌର ତାରବାଡ ଲୋକାର୍ପିତ କରାଯାଇଛି । ଏହା ଦ୍ୱାରା ହାତୀମାନଙ୍କ କବଳରୁ ଫସଲହାନୀକୁ ରକ୍ଷା କରାଯାଇପାରିବ। ଆଠଗଡ ବନଖଣ୍ଡ ଅଧିକାରୀ ଡଃ ଯଜ୍ଞଦତ୍ତ ପତି ଏହାକୁ ଉଦଘାଟନ କରି କୃଷି ଓ କୃଷକର ହିତ ସହିତ ହାତୀମୁହଁରୁ ଫସଲ ରକ୍ଷା ପାଇଁ ଏହା ଫଳପ୍ରଦ ହୋଇପାରିବ। କୃଷକମାନଙ୍କ ସହିତ ଆମ୍ଭେମାନେ ସବୁବେଳେ ଯୋଗାଯୋଗରେ ଅଛୁ ବୋଲି କହିଥିଲେ। ବନାଞ୍ଚଳ ଅଧିକାରୀ ନୀଳମାଧବ ସାହୁ, ସରପଞ୍ଚ କଳ୍ପନାଛତାର, ସୁରେନ୍ଦ୍ର ମହାନ୍ତି, ବିଜେଡି ନେତା ବେଣୁଧର ମହାନ୍ତି, ଶ୍ରୀକାନ୍ତ ଖଟୁଆ,ପ୍ରଫୁଲ ସାହୁ, ଶରତ ଚନ୍ଦ୍ର ମହାନ୍ତି,ତ୍ରିନାଥ ସାହୁ, ନରେନ୍ଦ୍ର ସାହୁ ,ନୀଳମଣି ବାରିକ ପ୍ରଭୃତି କୃଷକମାନେ ଉପସ୍ଥିତ ରହିଥିଲେ।
Popular Categories
Previous article
Next article