ନୂଆଦିଲ୍ଲୀ : ଜବାହାରଲାଲ ନେହରୁ ବିଶ୍ୱବିଦ୍ୟାଳୟ (ଜେଏନ୍ୟୁ)ର କେତେକ ଶକ୍ତି ଭାରତ ବିରୋଧରେ ଯୁଦ୍ଧ ଚଳାଇଛନ୍ତି ଓ ସେମାନଙ୍କୁ ଛାତ୍ର ସଂସଦର ନବନିର୍ବାଚିତ ପ୍ରତିନିଧିଙ୍କ ସହ ଦେଖିବାକୁ ମିଳିଛି ବୋଲି ମଙ୍ଗଳବାର ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ କହିଛନ୍ତି। ଭାରତୀୟ ମହିଳା ପ୍ରେସ୍ କ୍ଲବ୍ର ଏକ କାର୍ଯ୍ୟକ୍ରମରେ ଯୋଗଦେଇ ନିର୍ମଳା ଏହା କହିଥିଲେ। ସେ କହିଥିଲେ ଯେ ଗତ କିଛି ବର୍ଷ ମଧ୍ୟରେ ଜେଏନ୍ୟୁରେ ନୈରାଶ୍ୟଜନକ ଘଟଣାମାନ ଘଟୁଛି। ଜେଏନ୍ୟୁର କିଛି ଶକ୍ତି ଭାରତ ବିରୋଧରେ ଯୁଦ୍ଧ ଚଳାଇଛନ୍ତି ବୋଲି ପୁସ୍ତକ ବି କହୁଛି। ଜେଏନୟୁର ନେତୃତ୍ୱ ନେଉଥିବା ଛାତ୍ର ସଂସଦ ସଦସ୍ୟ ଏଭଳି ଶକ୍ତିଙ୍କ ସହ ଖୋଲାଖୋଲି ଭାବେ ମିଶୁଛନ୍ତି। ତେଣୁ ଏଭଳି ଲୋକଙ୍କୁ ଭାରତ ବିରୋଧୀ କହିବାକୁ ସଂକୋଚ ବୋଧ କରିବାର ଆବଶ୍ୟକତା ନାହିଁ।
ଉଲ୍ଲେଖ ଯେ ଦୁଇ ଦିନ ତଳେ ଜେଏନ୍ୟୁର ଛାତ୍ର ସଂସଦ ନିର୍ବାଚନରେ ଆରଏସ୍ଏସ୍, ବିଜେପି ସମର୍ଥିତ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି) ଏବଂ ବାମପନ୍ଥୀ ସମର୍ଥିତ ଅଖିଳ ଭାତରୀୟ ଛାତ୍ର ସଂଘ (ଏଆଇଏସ୍ଏ) ମଧ୍ୟରେ ସଂଘର୍ଷ ଘଟିଥିଲା। ଏହା ପୂର୍ବରୁ ୨୦୧୬ ଫେବୃଆରୀ ୯ରେ ଆତଙ୍କବାଦୀ ଅଫଜଲ ଗୁରୁର ଫାଶି ଦଣ୍ଡାଦେଶକୁ ବିରୋଧ କରି ଜେଏନ୍ୟୁର କେତେକ ଛାତ୍ର ବିଶ୍ୱବିଦ୍ୟାଳୟ ପରିସରରେ ଦେଶ ବିରୋଧୀ ସ୍ଲୋଗାନ ଦେଇଥିଲେ। ଏହାପରଠାରୁ ଜେଏନ୍ୟୁ ଚର୍ଚ୍ଚାରେ ରହି ଆସିଛି।
ଜେଏନ୍ୟୁର କିଛି ଶକ୍ତି ଭାରତ ବିରୋଧରେ ଯୁଦ୍ଧ ଚଳାଇଛନ୍ତି : ନିର୍ମଳା ସୀତାରମଣ
Popular Categories
Previous article
Next article