ଅଣ୍ଡା ଖାଇବା ଲୋଭରେ ଫସିଲା ନାଗ

ପାଟଣା  – କେନ୍ଦୁଝର ଜିଲ୍ଲା ପାଟଣା ବନାଞ୍ଚଳ ସାହାରପଡା ବନକ୍ଷେତ୍ର ରାଇଡିହା ବିଟ ଶିଆଳିଯୋଡ଼ା ଗ୍ରାମର ହିରଣ୍ୟ କୁମାର ମହାନ୍ତଙ୍କ ଘର ଭିତର କୁ ଏକ ବିଷାକ୍ତ ନାଗ ସାପ ଉଦ୍ଧାର କରାଯାଇଛି ।  ଖାଦ୍ୟ ଅନ୍ୱେଷଣରେ ଚାଲି ଆସିଥିବା ବେଳେ ସାପଟିକୁ ପରିବାର ଲୋକେ ଦେଖିଥିଲେ।

ଏହି ନାଗଟି କୁକୁଡ଼ା ଅଣ୍ଡା ଖାଇବାକୁ ଆସି ଶ୍ରୀ ମହାନ୍ତ ଙ୍କ କୁକୁଡ଼ା ଭାଡ଼ିରେ ପଶିଯାଇଥିଲା। ନାଗଟିକୁ ଦେଖି ଶ୍ରୀ ମହାନ୍ତ ଙ୍କ ପରିବାର ଲୋକେ ବନପାଳ ମୋହିନୀ ମହାନ୍ତଙ୍କୁ ଖବର ଦେଇଥିଲେ । ଖବର ପାଇ ପାଟଣା ବନାଞ୍ଚଳ ଅଧିକାରୀ ଘାସିରାମ ପାତ୍ର, ସାହାରପଡା ବନପାଳ ମୋହିନୀ ମହାନ୍ତ ଏବଂ ବନ କର୍ମଚାରୀ ଗାଁକୁ ପହଞ୍ଚି ସାପ ଟିକୁ ଉଦ୍ଧାର କରି ନିକଟସ୍ଥ ଚଢ଼େଇଭୋଳ ସଂରକ୍ଷିତ ଜଙ୍ଗଲରେ ସୁରକ୍ଷିତ ଭାବେ ଛାଡି ଦେଇଥିବା ଜଣାପଡିଛି । ତେବେ ସାପଟି ୬ ଟି ଦେଶୀ କୁକୁଡ଼ା ଅଣ୍ଡା ଖାଇଥିବା ବନ ବିଭାଗ ପକ୍ଷରୁ ସୂଚନା ମିଳିଛି ।