ପାତ୍ରପୁର: ପାତ୍ରପୁର କୁଠାରୀ ମନ୍ଦିର ନିକଟସ୍ଥ ସ୍ୱାମୀ ପୂଜା ଭଣ୍ଡାରରୁ ଗୁରୁବାର ସାଢେ ୪ ଫୁଟ ଲମ୍ବର ଏକ ନାଗ ସାପ ଉଦ୍ଧାର ହୋଇଛି।
ମିଳିଥିବା ସୂଚନା ପ୍ରକାରେ, ପୂଜା ଭଣ୍ଡାର ମାଲିକ ଦୋକାନ ଭିତରେ ସାପକୁ ଦେଖି ସ୍ନେକ ହେଲ୍ପଲାଇନ୍ ସହ ଯୋଗାଯୋଗ କରିଥିଲେ। ଖବର ପାଇ ସ୍ନେକ୍ ହେଲ୍ପଲାଇନର ରାମଚନ୍ଦ୍ର ସାହୁ ଘଟଣାସ୍ଥଳରେ ପହଞ୍ଚି ସାପଟିକୁ ଉଦ୍ଧାର କରିଥିଲେ। ଉଦ୍ଧାର ନାଗସାପକୁ ଜଙ୍ଗଲରେ ଛଡାଯାଇଥିବା ସ୍ନେକ ହେଲ୍ପଲାଇନ୍ ପକ୍ଷରୁ ସୂଚନା ଦିଆଯାଇଛି।
