ଭୁବନେଶ୍ୱର: ରାଜଧାନୀ ଭୁବନେଶ୍ବରରେ ଆରମ୍ଭ ହେବାକୁ ଯାଉଛି ଶିଶିର ସରସ ମେଳା। ଚଳିତ ମାସ ୬ ତାରିଖରୁ ବରମୁଣ୍ଡା ବିଜୁ ଟ୍ଟନାୟକ ପଡ଼ିଆରେ ଏହି ମେଳା ଆରମ୍ଭ ହବେ। ଦୀର୍ଘ ୧୦ ଦିନ ଧରି ଏହି ମେଳା ଚାଲିବ। ଚଳିତବର୍ଷ ୪୦୦ରୁ ଊର୍ଦ୍ଧ୍ବ ଷ୍ଟଲ୍ ଖୋଲାଯିବା ନେଇ ସୂଚନା ରହିଛି। ପ୍ରତିବର୍ଷ ଭଳି ଏବର୍ଷ ମଧ୍ୟ ଭଲ ଦି ପଇସା ରୋଜଗାର ନେଇ ଆଶା ରଖିଛନ୍ତି ବ୍ୟବସାୟୀ। କେବଳ ବାହାର ରାଜ୍ୟର ବ୍ୟବସାୟୀ ନୁହଁନ୍ତି, ଓଡ଼ିଶାର ସମସ୍ତ ୩୦ଟି ଜିଲ୍ଲାରୁ ବହୁ ମହିଳା ସ୍ବୟଂ ସହାୟକ ଗୋଷ୍ଠୀ ମଧ୍ୟ ଏଥିରେ ସାମିଲ ହେବେ। ଲୋକଙ୍କ ପ୍ରବଳ ଗହଳିକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି। ଫୁଡ୍ କୋର୍ଟ, ସେଲ୍ଫି ପଏଣ୍ଟ , ଓରମାସ ଷ୍ଟଲରେ ବିଭିନ୍ନ ଘରକରଣା ଜିନିଷ ଲୋକଙ୍କ ପାଇଁ ମୁଖ୍ୟ ଆକର୍ଷଣର କେନ୍ଦ୍ର ବିନ୍ଦୁ ସାଜିବ। ଦର୍ଶକଙ୍କ ମନୋରଞ୍ଜନ ଲାଗି ଓନ କୁଇଜ୍, ଚିତ୍ରାଙ୍କନ ପ୍ରତିଯୋଗିତା ଏବଂ ପ୍ରଖ୍ୟାତ କଣ୍ଠଶିଳ୍ପୀମାନଙ୍କ ଦ୍ୱାରା ସଙ୍ଗୀତ ପରିବେଷଣ କରାଯିବାର କାର୍ଯ୍ୟକ୍ରମ ମଧ୍ୟ ରହିଛି।
Comments are closed.