ସମାଜ ଡିଜିଟାଲ ଡେସ୍କ: ରାତି ହେଲେ ମାତୁଛି ସୈତାନ ପାକିସ୍ତାନୀ ସେନା । ସୀମାନ୍ତରେ କ୍ରମାଗତ ଅସ୍ତ୍ରବିରତି ଉଲ୍ଲଘଂନ କରି ଉତ୍ତେଜନାମୂଳକ ପରିସ୍ଥିତି ସୃଷ୍ଟି କରୁଛି । ଜାମ୍ମୁ-କାଶ୍ମୀର, ରାଜସ୍ଥାନ, ପଞ୍ଜାବର ସୀମାନ୍ତ ଅଞ୍ଚଳରେ ସନ୍ଧ୍ୟା ପରେ ଗୁଳିଗୋଳା କରୁଛି । ତୁର୍କୀ ଓ ଚୀନଠାରୁ ଦାନରେ ମିଳିଥିବା ଶସ୍ତା ଡ୍ରୋନରେ ଚଳାଇଛି ଆକ୍ରମଣ । ଶକ୍ରୁବାର ୨୬ ସହରରେ ୪୦ରୁ ଅଧିକ ଡ୍ରୋନ ମାଡ କରିଥିଲା ପାକିସ୍ତାନ । ହେଲେ ଭାରତର ଏୟାର ଡିଫେନ୍ସ ସିଷ୍ଟମ ଏହି ସମସ୍ତ ଡ୍ରୋନକୁ ଆକାଶମାର୍ଗରେ ନିଷ୍କ୍ରିୟ କରିଛି ।
ହରିୟାଣାରେ ଶୁକ୍ରବାର ସନ୍ଧ୍ୟାରେ ହଠାତ ତିନୋଟି ବିସ୍ଫୋରଣ ହେଲା ପରେ ସହରରେ ବିଦ୍ୟୁତ ସଂଯୋଗ ବନ୍ଦ କରାଯିବା ସହ ଘରେ ଘରେ ଲାଇଟ୍ ବନ୍ଦ କରଯାଇଥିଲା । ଶୁକ୍ରବାର ରାତିରେ ପାକିସ୍ତାନ ଦିଲ୍ଲୀକୁ ଟାର୍ଗେଟ କରି ଫତେହ-୨ ମିସାଇଲ ମାଡ କରିଥିଲା । ସିର୍ସା ଠାରେ ଏହାକୁ କଡା ଜବାବ ଦେଇ ଅଟକାଯାଇଥିଲା । ଶନିବାର ସକାଳୁ ରାନିଆ ରୋଡ ନିକଟରେ ଖାଜା ଖେଡା ଗାଁର ଚାଷ ଜମିରେ ପାକିସ୍ତାନ କ୍ଷେପଣାସ୍ତ୍ରର ଖଣ୍ଡ ପଡିଥିବା ଦେଖିବାକୁ ମିଳିଥିଲା । ଭାରତୀୟ ସେନା ଏହାକୁ ଜବତ କରିଛି । ଦିଲ୍ଲୀକୁ ଟାର୍ଗେଟ କରି ଏହି ମିସାଇଲ ମାଡ କରାଯାଇଥିବା ସେନା ପକ୍ଷରୁ ସୂଚନା ମିଳିଛି ।
सिरसा के रानिया रोड़ स्थित खाजा खेड़ा गाँव के खेतों में गिरा पाकिस्तान का मिसाइल. सिरसा आर्मी ने कब्जे में ली मिसाइल. रात को इस मिसाइल को भारतीय सेना ने मार गिराया था. pic.twitter.com/trErAVjjUZ
— Vinod Katwal (@Katwal_Vinod) May 10, 2025
