ସମାଜ ଡିଜିଟାଲ ଡେସ୍କ: ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୫ର ଏଲିମିନେଟରରେ କଠିନ ମୁକାବିଲା ସତ୍ତେ୍ୱ ମୁମ୍ବାଇ ଇଣ୍ଡିଆନ୍ସ ଠାରୁ ଜିତିପାରିଲା ନାହିଁ ଗୁଜରାଟ ଟାଇଟନ୍ସ । ଶୁକ୍ରବାର ମୁଲାନପୁରରେ ଅନୁଷ୍ଠିତ ଏଲିମିନେଟର ମ୍ୟାଚରେ ଗୁଜରାଟ ଟାଇଟନ୍ସକୁ ୨୦ରନରେ ପରାସ୍ତ କରିଥିଲା ମୁମ୍ବାଇ । ୨୨୯ରନର ପିଛା କରି ଗୁଜରାଟ ୬ୱିକେଟରେ ୨୦୮ରନରେ ଅଟକି ଯାଇଥିଲା । ମ୍ୟାଚ ଆରମ୍ଭ ହେବା ପୂର୍ବରୁ ଟସ୍ ପଡିବା ସମୟରେ ଏପରି କିଛି ଘଟିଥିଲା ଯାହାକି ଫ୍ୟାନ୍ସଙ୍କୁ ଆଶ୍ଚର୍ଯ୍ୟ କରିବା ସହ ଆଘାତ ମଧ୍ୟ ଦେଇଛି । ହାର୍ଦ୍ଦିକ ପ୍ୟାଣ୍ଡ୍ୟାଙ୍କ ସହିତ ହାତ ନମିଳାଇ ଆଗକୁ ପଳାଇଥିଲେ ଶଭମନ୍ ଗିଲ୍ । ସାଧାରଣତଃ ଟସ୍ ପଡିବା ପରେ ଯେଉଁ ଟିମ୍ ଟସ୍ ଜିତିଥାଏ ଅନ୍ୟ ଟିମର ଅଧିନାୟକ ତାଙ୍କ ସହିତ ହାତ ମିଳାଇଥାନ୍ତି । ହେଲେ ଶୁଭମନ୍ ଗିଲ୍ ଏଭଳି କିଛି କରିନଥିଲେ ।
ଟସ୍ ପଡିବା ସମୟରେ ଗୁଜରାଟ ଟାଇଟନ୍ସର ଅଧିନାୟକ ଶୁଭମନ ଗିଲ୍ ଏବଂ ମୁମ୍ବାଇ ଇଣ୍ଡିଆନ୍ସର ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ମଧ୍ୟରେ ଏକ ଅପ୍ରୀତିକର ମୁହୂର୍ତ୍ତର ଏକ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହୋଇଛି । ଭିଡ଼ିଓକୁ ଦେଖି ପ୍ରଶଂସକ ମାନେ କହିଛନ୍ତି ଯେ ପାଣ୍ଡ୍ୟା ହାତ ମିଳେଇବାକୁ ଯାଉଥିବା ବେଳେ ଶୁଭମନ ଗିଲ୍ ଏହାକୁ ଅଣଦେଖା କରି ପଳାଇଥିଳେ । ଏଥିରୁ ସ୍ପଷ୍ଟ ବାରି ହେଉଛି ଯେ ଶୁଭମନ ଗିଲ୍ଙ୍କ ମଧ୍ୟରେ ଅହଂକାର ଆସିଯାଇଛି । କିଛି ଫ୍ୟାନ୍ସ କହିଛନ୍ତି ଯେ ଟେଷ୍ଟ ମ୍ୟାଚର ଅଧିନାୟକ ଦାୟିତ୍ୱ ମିଳିବା ପରେ ଶୁଭମନ ଗିଲ୍ ଏପରି ଅହଂକାର ଦେଖାଉଛନ୍ତି ।
Shubman gill involved in ego war with Hardik Pandya 🤪 Hardik tried to shake his hands but Shubman didn’t because of his fragile ego that too in front of the one who made his t20 career.
— Crasher🤴🏾 (@lmao_crx3r) May 30, 2025
ଆଉ କିଛି ପ୍ରଶଂସକ କହିଛନ୍ତି ଯେ ଗିଲଙ୍କ ପକ୍ଷରୁ ଏହା ଏକ ଭୁଲ ହୋଇଥାଇପାରେ । ଉଭୟ ଖେଳାଳୀ ଆଇପିଏଲରେ ଗୋଟିଏ ଟିମରେ ପୂର୍ବରୁ ଖେଳୁଥିଲେ । ହାର୍ଦ୍ଦିକ ପାଣ୍ଡ୍ୟା ପୂର୍ବରୁ ଗୁଜରାଟ ଟାଇଟନ୍ସର ଅଧିନାୟକ ଥିଲେ । ସେ ମୁମ୍ବାଇରେ ଯୋଗ ଦେବା ପରେ ଏହି ଦାୟିତ୍ୱ ଶୁଭମନ ଗିଲ୍ଙ୍କୁ ଦିଆଯାଇଥିଲା ।
