ନୂଆଦିଲ୍ଲୀ : ସୋସିଆଲ ମିଡିଆରେ ଭାଇରାଲ୍ ହେଉଥିବା ଅନେକ ଭିଡିଓ ସଭିଁଙ୍କ ହୋସ୍ ଉଡାଇ ଦେଇଥାଏ । ବାଘକୁ ଦେଖିଲେ ଭୟଭୀତ ହେବା ସାଧାରଣ କଥା । କିଛି ସ୍ଥାନରେ ଏହାକୁ ପୋଷା କରି ମଧ୍ୟ ରଖନ୍ତି । ଅନେକ ସମୟରେ ଏହି ପୋଷା ଜନ୍ତୁ ନିଜ ମାଲିକଙ୍କ ଉପରେ ହିଁ ଆକ୍ରମଣ କରି ସେମାନଙ୍କ ଜୀବନ ନେଇ ଥାନ୍ତି । ଆକ୍ରମଣରେ କେତେକ ସମୟରେ ଗୁରୁତର ଆହତ ମଧ୍ୟ ହୋଇଥାନ୍ତି । ନିକଟରେ ଏଭଳି ହିଁ ଏକ ଛାତିଥରା ଭିଡିଓ ଭାଇରାଲ୍ ହେଉଛି । ଭିଡିଓ ସଭିଁଙ୍କୁ ଭୟଭୀତ କରିବା ସହ ଛାତି ଉଠିବ । ଏହା ଏବେ ସଭିଁଙ୍କ ଆକର୍ଷଣର କେନ୍ଦ୍ର ବିନ୍ଦୁ ପାଲଟିଛି। ଭାଇରାଲ୍ ହେଉଥିବା ଭିଡିଓରେ ଦେଖିପାରିବେ, ଏଠାରେ ଏକ ପୋଷା ବାଘ ଜଣେ ବ୍ୟକ୍ତିଙ୍କ ଉପରେ କିଭଳି ଆକ୍ରମଣ କରୁଛି । ଭିଡିଓଟି ଫୁକେତର ଟାଇଗର କିଙ୍ଗଡମ୍ର ବୋଲି କୁହାଯାଉଛି । ଏଠାରେ ଜଣେ ଭାରତୀୟ ପର୍ଯ୍ୟଟକ ବାଘ ସହ ସେଲଫି ନେଉଥିବା ବେଳେ ଆକ୍ରମଣର ଶିକାର ହୋଇଛନ୍ତି । ଏଠାରେ ଅନେକ ସ୍ଥାନରେ ବାଘକୁ ପୋଷା କରି ରଖାଯାଏ । ଲୋକେ ସେଠାରେ ସେଲଫି ନେବା ସହ ବାଘଙ୍କୁ ଖାଦ୍ୟ ଖାଇବାକୁ ମଧ୍ୟ ଦେଇଥାନ୍ତି।
Apparently an Indian man attacked by a tiger in Thailand.
This is one of those paces where they keep tigers like pets and people can take selfies, feed them etc etc.#Indians #tigers #thailand #AnimalAbuse pic.twitter.com/7Scx5eOSB4
— Sidharth Shukla (@sidhshuk) May 29, 2025
ଭିଡିଓରେ ଆପଣ ଦେଖିପାରିବେ, ଜଣେ ବ୍ୟକ୍ତି ପାର୍କରେ ବାଘ ସହ ଚାଲି କରି ଯାଉଛନ୍ତି । ଏହାପରେ ଫଟୋ ଉଠାଇବା ପାଇଁ ଚେଷ୍ଟା କରୁଛନ୍ତି । ସେହି ସମୟରେ ତାଲିମ୍ ଦେଉଥିବା ବ୍ୟକ୍ତି ଜଣକ ବାଘକୁ ଏକ ବାଡି ଦ୍ୱାରା ବାଘକୁ ବସାଇବାକୁ ଚେଷ୍ଟା କରୁଥିଲେ । ମାତ୍ର ତା’ପରେ ଯାହା ଘଟିଥିଲା, କେହି କେବେ କଳ୍ପନା ମଧ୍ୟ କରିନଥିବେ । ବାଘ ତୁରନ୍ତ ପର୍ଯ୍ୟଟକଙ୍କ ଉପରେ ଆକ୍ରମଣ କରିଥିଲା । ଭିଡିଓ ଭାଇରାଲ୍ ହେବା ସହ ଲକ୍ଷ ଲକ୍ଷ ଲୋକେ ଏହାକୁ ଦେଖିବା ସହ ଭିନ୍ନ ଭିନ୍ନ ମତ ଦେଇଛନ୍ତି ।
୫୦୦ ବର୍ଷ ପରେ ମହାସଂଯୋଗ: ଶନି ଓ ଗୁରୁ ଏହି ରାଶିଙ୍କୁ କରିବେ ମାଲାମାଲ୍, ମିଳିବ ଚାକିରି, ବଢିବ ଦରମା, ହେବ ବିବାହ
