ୱାଶିଂଟନ୍: ଆମେରିକାରେ ଥମୁନି ଗୁଳିକାଣ୍ଡ । ପୁଣି ଆମେରିକାର ଏକ ସ୍କୁଲରେ ଗୁଳିକାଣ୍ଡ ହୋଇଛି । ସେଣ୍ଟ୍ ଲୁଇସ୍ ପୁଲିସ କମିଶନରଙ୍କ ସୂଚନା ଅନୁଯାୟୀ ମସୌରୀର ସେଣ୍ଟ୍ ଲୁଇସ୍ ହାଇସ୍କୁଲରେ ଗୁଳିକାଣ୍ଡରେ ୨ ଜଣଙ୍କର ମୃତ୍ୟୁ ଘଟିଥିବା ବେଳେ ୬ଜଣ ଆହତ ହୋଇଛନ୍ତି । ସମସ୍ତ ଆହତଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି । ଗୁଳି ଚଳାଇଥିବା ଅଭିଯୁକ୍ତ ମାନଙ୍କୁ ଅଧିକାରୀମାନେ ଗୁଳିକରି ହତ୍ୟା କରିଛନ୍ତି । ତେବେ ମୃତ ଅଭିଯୁକ୍ତ ମାନଙ୍କର ପରିଚୟ ସ୍ପଷ୍ଟ ହୋଇନାହିଁ । କାହିଁକି ସେମାନେ ଗୁଳିକାଣ୍ଡ ଘଟାଇଲେ ତାହା ଜଣାପଡ଼ିନାହିଁ ।
ଏହି ଗୁଳିକାଣ୍ଡକୁ ନେଇ କମିଶନର ମାଇକ୍ ସାକ୍ ଏକ ସାମ୍ବାଦିକ ସମ୍ମିଳନୀ କରିଥିଲେ । ସାମ୍ବାଦିକ ସମ୍ମିଳନୀରେ ସେ କହିଛନ୍ତି କି, ସୋମବାର ସକାଳ ୯ଟା ସମୟରେ ସେଣ୍ଟ୍ରାଲ୍ ଭିଜୁଆଲ୍ ଏବଂ ପର୍ଫମିଂ ଆର୍ଟ ହାଇସ୍କୁଲରେ ପୁଲିସ ପହଞ୍ଚିଥିଲା । ସେତେବେଳେ ଜଣେ ସକ୍ରିୟ ସୁଟର ଗୁଳି ଚଳାଇଥିବାର ସୂଚନା ପାଇବା ପରେ ଛାତ୍ରମାନେ ବାହାରକୁ ଦୌଡି ଚାଲିଆସିଥିଲେ । ଅଧିକାରୀମାନେ ସ୍କୁଲରେ ପ୍ରବେଶ କରିବା ସହ ସନ୍ଦିଗ୍ଧଙ୍କ ଉପରକୁ ଗୁଳି ଚଳାଇଥିଲେ । ଗୁଳିମାଡ଼ରେ ଅଭିଯୁକ୍ତ ଗୁରୁତର ଆହତ ହୋଇଥିଲା । ଅଭିଯୁକ୍ତ ଜଣକ ପ୍ରାୟ ୨୦ ବର୍ଷର ଯୁବକ ବୋଲି ଜଣାପଡିଛି । ସେ କହିଛନ୍ତି ଯେ ଏହି ଏନକାଉଣ୍ଟରରେ କୌଣସି ଅଧିକାରୀ ଆହତ ହୋଇନାହାଁନ୍ତି।
Comments are closed.