ରେଙ୍ଗାଲି: ସମ୍ବଲପୁର ଜିଲ୍ଲାର ଲଇଡ଼ାଠାରେ ଥିବା ଦୁତିକାସାହୁ ମହାବିଦ୍ୟାଳୟରେ ଆଜି ସହିଦ ଦିବସ ଏବଂ ଯୁବସଂସ୍କାର କାର୍ଯ୍ୟକ୍ରମ ମହାବିଦ୍ୟାଳୟର ଏନଏସଏସ ବିଭାଗ ଏବଂ ଓଆରସି ପକ୍ଷରୁ ଅନୁଷ୍ଠିତ ହୋଇଯାଇଛି । ଏଥିରେ ଅଧ୍ୟକ୍ଷ ଡ. ବସନ୍ତ କୁମାର ନାଏକ ସଭ।ପତିତ୍ୱ କରି ଯୁବ ସଂସ୍କାର ଓ ସହିଦ ଦିବସ ଉପରେ ଆଲୋକପାତ କରିଥିଲେ। ସଭାକାର୍ଯ୍ୟ ଆରମ୍ଭ ହେବା ପୂର୍ବରୁ ସହିଦମାନଙ୍କ ଫଟୋ ଚିତ୍ରରେ ମାଲ୍ୟାର୍ପଣ ଓ ପ୍ରଦୀପ ପ୍ରଜ୍ୱଳନ କରାଯାଇଥିଲା। ଓଡ଼ିଆ ବିଭାଗର ମୁଖ୍ୟ ଅଧ୍ୟାପକ ପ୍ରଶାନ୍ତ କୁମାର ପଟେଲ ସଭା ପରିଚାଳନା କରି ଯୁବସଂସ୍କାର କାର୍ୟ୍ୟକ୍ରମ ଉଦେଶ୍ୟ ଓ ଆଭିମୁଖ୍ୟ ସଂକ୍ରାନ୍ତରେ ସୂଚନା ଦେଇଥିଲେ।
ସହିଦ ଏ ଆଜମ୍ ଭଗତ ସିଂହ, ସହିଦ ସୁଖଦେବ ଥାପର, ସହିଦ ଶିଭରାମ ହରି ରାଜଗୁରୁଙ୍କ ସ୍ମୃତି ଚାରଣ କରିବା ସହିତ ତାଙ୍କ ଆଦର୍ଶରେ ଅନୁପ୍ରାଣିତ ହେବାକୁ ଛାତ୍ରଛାତ୍ରୀଙ୍କୁ ଏନ ଏସ ଏସ ପି ଓ ଅଧ୍ୟାପକ ବିଶ୍ୱନାଥ ପଟେଲ, ଯୁବସଂସ୍କାର କାର୍ୟ୍ୟକ୍ରମର ସଂଯୋଜକ ଅଧ୍ୟାପକ ଶ୍ରୀକାନ୍ତ ପଟେଲ, ଅଧ୍ୟାପକ ଜୟନାରାୟଣ
ଶତପଥୀ ଆହ୍ବାନ ଦେଇଥିଲେ।
ଏହି ଅବସରରେ ବରିଷ୍ଠ ଅଧ୍ୟାପକ ପ୍ରଫୁଲ୍ଲ ଭୋଇ, ଜିତେନ୍ଦ୍ର ପ୍ରସାଦ ସିଂହ, ଅଲେଖ ଦିବେଦୀ, ଅଶୋକ ପ୍ରଧାନ, କରୁଣା କର ନାଏକ, ଆଶୀଷ ପାଣିଗ୍ରାହୀ, ଭବାନୀ ସିଂହ, ଲେବ୍ରୋଟାରୀ ଆସିଷ୍ଟାଣ୍ଡ ପ୍ରବୀଣ ପାଣ୍ଡେ, ବରିଷ୍ଠ କିରାଣୀ ଜୟକୃଷ୍ଣ ପ୍ରଧାନଙ୍କ ସହ +୩ ଓ +୨ର ବିଜ୍ଞାନ, କଳାର ଛାତ୍ରଛାତ୍ରୀ ଉପସ୍ଥିତ ଥିଲେ।କର୍ମଚାରୀ ବିଜୟ ସାହୁ, କୈଳାସ ବ୍ରିନେଦ, ନେପାଳ ମହାନନ୍ଦ କାର୍ଯ୍ୟକ୍ରମ ଆୟୋଜନରେ ସହଯୋଗ କରିଥିଲେ। ଶେଷରେ ଯୁବସଂସ୍କାର ପରିଚାଳନା କମିଟି ପକ୍ଷରୁ ଧନ୍ୟବାଦ ଦିଆଯାଇଥିଲା।
Comments are closed.