ସମାଜ ନ୍ୟୁଜ ଡେସ୍କ- ସମ୍ଭାବ୍ୟ ବାତ୍ୟାକୁ ନେଇ ଭୁବନେଶ୍ବର ପାଣିପାଗ କେନ୍ଦ୍ର ମତ୍ସ୍ୟଜୀବୀ ମାନଙ୍କ ପାଇଁ ସତର୍କ ସୂଚନା ଜାରି କରିଛି । ଅକ୍ଟୋବର ୨୬ ରୁ ୨୯ ତାରିଖ ୪ ଦିନ ପାଇଁ ସମୁଦ୍ର ଯିବାକୁ ବାରଣ କରାଯାଇଛି । ୨୬ ତାରିଖରେ ଗଭୀର ଅବପାତ ରୂପ ନେବା ପରେ ପବନର ବେଗ ଘଣ୍ଟା ପ୍ରତି ୪୫-୫୫ କିମି ରହିବ । ସେହିପରି ଅକ୍ଟୋବର ୨୭ ବେଳକୁ ପବନର ବେଗ ବଢ଼ି ୬୦-୭୦ କିମି ଘଣ୍ଟା ପ୍ରତି ରହିବ । ତେଣୁ ଉକ୍ତ ୪ ଦିନ ସମୁଦ୍ରକୁ ନଯିବାକୁ ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ପରାମର୍ଶ ଦିଆଯାଇଛି ।
