ନୂଆଦିଲ୍ଲୀ: ଜମ୍ମୁ-କାଶ୍ମୀର ଓ ଗିଲ୍ଗିଟ୍ର ପାକ ଅଧିକୃତ ଅଞ୍ଚଳଗୁଡ଼ିକୁ ସଂସଦୀୟ ଆସନ ଭାବେ ଚିହ୍ନିତ କରିବା ଓ ଘୋଷଣା କରିବାପାଇଁ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେବା ବିଷୟ ନେଇ ହୋଇଥିବା ଏକ ଆବେଦନକୁ ସୁପ୍ରିମକୋର୍ଟ ଖାରଜ କରିଦେଇଛନ୍ତି। ପ୍ରଧାନ ବିଚାରପତି ରଞ୍ଜନ ଗୋଗୋଇଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ଏଭଳି ଏକ ପିଟିସନ୍ ଦାଏର୍ କରିଥିବାରୁ ପୂର୍ବତନ ଅଫିସର ରାମକୁମାର ଯାଦବଙ୍କ ଉପରେ ୫୦ ହଜାର ଟଙ୍କାର ଜୋରିମାନା ଲାଗୁ କରିଛନ୍ତି।
ଏହି ଅବେଦନ ନ୍ୟାୟିକ ଦୃଷ୍ଟିରୁ ଗ୍ରହଣଯୋଗ୍ୟ ନୁହେଁ ବୋଲି ଖଣ୍ଡପୀଠ କହିଛନ୍ତି। ଆବେଦନରେ କୁହାଯାଇଛି, ଜମ୍ମୁ-କାଶ୍ମୀର ଓ ଗିଲ୍ଗିଟ୍ର ପାକିସ୍ତାନ ଅଧିକୃତ ଅଞ୍ଚଳରୁ ସରକାରଙ୍କଦ୍ୱାରା ପ୍ରାୟ ୨୪ଟି ବିଧାନସଭା ଆସନ ଗଠନ କରାଯାଇଛି। ପିଟିସନ୍ରେ କୁହାଯାଇଛି, ସେହି ବିଧାନସଭା ଆସନଗୁଡ଼ିକୁ ଭିତ୍ତିକରି ଲୋକସଭା ଆସନ ଗଠନ କରାଯିବାକୁ ସରକାରଙ୍କୁ ନିର୍ଦ୍ଦେଶ ଦିଆଯିବା ଉଚିତ।
