ବୁର୍ଲା: ଦିନକୁ ଦିନ ଚୋରୀ ଡକାୟତି ବୃଦ୍ଧି ପାଇବାରେ ଲାଗିଛି। ସମ୍ବଲପୁର ବୁର୍ଲା ଅଞ୍ଚଳରେ ଅଭାବନୀୟ ଘଟଣା ଦେଖିବାକୁ ମିଳିଛି। ଶନିବାର ବିଳମ୍ବିତ ରାତିରେ ବନ୍ଧର ପାଦଦେଶରେ ରହିଥିବା ମାଁ ଝାକରାଣୀଙ୍କ ପୀଠରୁ ଚୋରୀ ହୋଇଛି। କିଛି ଦୁର୍ବୁତ୍ତ ମନ୍ଦିରକୁ ଆସି ମାଆଙ୍କ ଆଖିରେ ପୁଟୁଳି ବାନ୍ଧି କିଛି ପୂଜା ସାମଗ୍ରୀ ଚୋରୀ କରିନେଇଛନ୍ତି। ମନ୍ଦିରରୁ ଦୁଇଗୋଟି ପିତ୍ତଳ ଘଣ୍ଟି, ପିତ୍ତଳ ଥାଳି, ତମ୍ବା ଗଡ଼ୁ, ପିତ୍ତଳ ବାଲଟି, ଭଗବାନ ଶିବଙ୍କ ଉପରୁ ଲାଗିଥିବା ପାଣି ଝରୁଥିବା ପିତ୍ତଳ ଗଡୁ ଆଦି ଚୋରୀ କରିନେଇଛନ୍ତି। ଯାହା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି । ଏହାକୁ ନେଇ ମନ୍ଦିର ପୂଜକ ଦାମ ସ୍ୱାଇଁ ଲିଖିତ ଭାବରେ ବୁର୍ଲା ଥାନାରେ ଅଭିଯୋଗ କରିଛନ୍ତି । ବୁର୍ଲା ଥାନାଧିକାରୀଙ୍କ ସମେତ ସନ୍ଧାନୀ କୁକୁର ପୀଠ ସ୍ଥଳକୁ ଯାଇ ଅଧିକ ଛାନଭିନ୍ ଜାରି ରଖିଛନ୍ତି।
Comments are closed.