ନୂଆଦିଲ୍ଲୀ : ଷ୍ଟେଟ୍ ବ୍ୟାଙ୍କ୍ ଅଫ୍ ଇଣ୍ଡିଆର ଆଗାମୀ ଅଧ୍ୟକ୍ଷ ରୂପେ ଚଲ୍ଲା ଶ୍ରୀନିବାସୁଲୁ ଶେଟ୍ଟୀଙ୍କ ନାଁ ସୁପାରିଶ ହୋଇଛି । କେନ୍ଦ୍ର ସରକାରଙ୍କ ଅଧିନରେ ଆସୁଥିବା ଫାଇନାନ୍ସିଆଲ ସର୍ଭିସେଜ୍ ଇନଷ୍ଟିଚ୍ୟୁସନ ବ୍ୟୁରୋ(FSIB) କହିଛି କି ବର୍ତ୍ତମାନର ମାପଦଣ୍ଡ ଏବଂ ତାଙ୍କ ଅଭିଜ୍ଞତାକୁ ନଜରରେ ରଖି ବ୍ୟୁରୋ ଷ୍ଟେଟ ବ୍ୟାଙ୍କର ଅଧ୍ୟକ୍ଷ ରୂପେ ଚଲ୍ଲା ଶ୍ରୀନିବାସୁଲୁ ଶେଟ୍ଟୀଙ୍କ ନାଁ ସୁପାରିଶ କରିଛି । ଶେଟ୍ଟୀଙ୍କ ପାଖରେ ଷ୍ଟେଟ ବ୍ୟାଙ୍କରେ କାମ କରିବାର ୩୬ ବର୍ଷର ଅଭିଜ୍ଞତା ରହିଛି । ସେ ବର୍ତ୍ତମାନ ଅନ୍ତର୍ଜାତୀୟ ବ୍ୟାଙ୍କିଂ, ଗ୍ଲୋବାଲ ମାର୍କେଟ୍ ଏବଂ ଟେକ୍ନୋଲୋଜି ବିଭାଗର କାର୍ଯ୍ୟଭାର ସମ୍ଭାଳୁଛନ୍ତି । ବ୍ୟାଙ୍କର ବର୍ତ୍ତମାନ ଅଧ୍ୟକ୍ଷ ଦିନେଶ ଖାରା ୬୩ ବର୍ଷ ହେବା ପରେ ୨୮ ଅଗଷ୍ଟରେ ଅବସର ନେବେ ।
ଭାରତୀୟ ଷ୍ଟେଟ୍ ବ୍ୟାଙ୍କ ଦେଶର ସବୁଠାରୁ ବଡ ସରକାରୀ ବ୍ୟାଙ୍କ । ଷ୍ଟେଟ୍ ବ୍ୟାଙ୍କର ସରକାରଙ୍କ ୫୬.୯୨ ପ୍ରତିଶତ ଭାଗିଦାରୀ ରହିଛି । ୧ ଜୁଲାଇ ୧୯୫୫ର ଏହା ସ୍ଥାପନ ହୋଇଥିଲା । ବ୍ୟାଙ୍କର ମୁଖ୍ୟାଳୟ ମୁମ୍ବାଇରେ ଅଛି । ଏକ ଚତୁର୍ଥାଶଂ ବଜାର ଭାଗିଦାରୀ ସହିତ ଏହାର ୨୨,୪୦୫ରୁ ଅଧିକ ବ୍ରାଞ୍ଚ ଏବଂ ୪୮ କୋଟିରୁ ଅଧିକ ଉପଭୋକ୍ତା ଅଛନ୍ତି । ବ୍ୟାଙ୍କ ବିଶ୍ବର ୨୯ ଦେଶରେ କାମ କରୁଛି । ଭାରତ ବାହାରେ ଏହାର ୨୩୫ ବ୍ରାଞ୍ଚ ରହିଛି ।
Comments are closed.