କଣ୍ଟାବାଞ୍ଜି/ବଙ୍ଗୋମୁଣ୍ଡା: ବଙ୍ଗୋମୁଣ୍ଡା ସଦର ସତନାମୀପଡ଼ାରେ ଥିବା ପ୍ରାଥମିକ ବିଦ୍ୟାଳୟକୁ ଆଜି ସ୍କୁଲ ସମୟରେ ବଙ୍ଗୋମୁଣ୍ଡା ସରପଞ୍ଚ ତଥା ରାଜ୍ୟ ଯୁବ ବିଜେଡ଼ି ସମ୍ପାଦକ ଅଜିତ ଯୋଶୀ ପରିଦର୍ଶନ କରିଛନ୍ତି। ମଧ୍ୟାହ୍ନ ଭୋଜନ ରନ୍ଧା ଶାଳକୁ ଯାଇ ନିରୀକ୍ଷଣ କରିବା ସହ ସ୍କୁଲ ପିଲାମାନଙ୍କ ସହ ଠିକ ଭାବରେ ଭୋଜନ ଦିଆଯାଉଛି କି ନାହିଁ ପଚାରି ବୁଝିଥିଲେ। ଏଥିସହ ଶ୍ରେଣୀ ଗୃହକୁ ଯାଇ ପାଠପଡ଼ା ସମ୍ବନ୍ଧରେ ଆଲୋଚନା କରିଥିଲେ। ବିଦ୍ୟାଳୟ ପ୍ରଧାନଶିକ୍ଷକଙ୍କ ସହ ସ୍କୁଲ ସୁବିଧା ଅସୁବିଧା ସମ୍ପର୍କରେ ପଚାରି ବୁଝିଥିଲେ। ତୃତୀୟ ଶ୍ରେଣୀ ଛାତ୍ରଛାତ୍ରୀଙ୍କ ସହ ପ୍ରଶ୍ନ ଉତ୍ତର କାର୍ଯ୍ୟକ୍ରମରେ ପିଲାଙ୍କ ସହ ମତ ବିନିମୟ କରିଥିବା ବେଳେ ଏହି ସ୍କୁଲରେ ପାଠପଢା ଠିକ ଚାଲିଥିବା ଅନୁଭବ କରିଥିଲେ। ସରପଞ୍ଚଙ୍କ ସ୍କୁଲକୁ ଅଚାନକ ଗସ୍ତକୁ ନେଇ ବଙ୍ଗୋମୁଣ୍ଡା ଅଞ୍ଚଳରେ ଚର୍ଚ୍ଚା ଚାଲିଥିବା ବେଳେ ଅଭିଭାବକ ମହଲରେ ସରପଞ୍ଚ ଯୋଶୀଙ୍କୁ ପ୍ରଶଂସା କରିଛନ୍ତି। ଏଭଳି ଅନ୍ୟାନ୍ୟ ପଞ୍ଚାୟତ ସରପଞ୍ଚ ସେମାନଙ୍କ ଅଞ୍ଚଳର ସ୍କୁଲମାନଙ୍କୁ ମଝିରେ ମଝିରେ ଅଚାନକ ପରିଦର୍ଶନ କଲେ, ସ୍କୁଲ ପାଠପଢାରେ ଉନ୍ନତି ଆସିବ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି।
Comments are closed.