ମୁମ୍ବଇ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜୀବନୀ ଉପରେ ଆଧାରିତ ଅନେକ ବଲିଉଡ଼ ଚଳଚ୍ଚିତ୍ର ଓ ଡକ୍ୟୁମେଣ୍ଟ୍ରି ନିର୍ମାଣ ହୋଇସାରିଛି। ଏବେ ଲୋକପ୍ରିୟ ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀ ମଧ୍ୟ ମୋଦୀଙ୍କ ଜୀବନ କାହାଣୀକୁ ନେଇ ଏକ ଚଳଚ୍ଚିତ୍ର ନିର୍ମାଣ କରୁଛନ୍ତି, ଯାହାର ନାମ ହେଉଛି ‘ମନ ବୈରାଗୀ’। ମଙ୍ଗଳବାର ମୋଦୀଙ୍କ ଜନ୍ମଦିନ ଅବସରରେ ଚଳଚ୍ଚିତ୍ରର ପ୍ରଥମ ଲୁକ୍ ରିଲିଜ୍ କରାଯିବ। ଖାସ୍ କଥା ହେଉଛି ଏହି ପ୍ରଥମ ଲୁକ୍ ପୋଷ୍ଟରକୁ ବାହୁବଳୀ ଷ୍ଟାର ପ୍ରଭାସ ଲଞ୍ଚ୍ କରିବେ।
ଏହି ଚଳଚ୍ଚିତ୍ରରେ ମୋଦୀଙ୍କ ଜୀବନର କିଛି ଅଜଣା କାହାଣୀ ଦେଖିବାକୁ ମିଳିବ। ଭଂସାଲୀ ଓ ମହାବୀର ଜୈନଙ୍କ ପ୍ରଯୋଜିତ ଏହି ଚଳଚ୍ଚିତ୍ରର ନିର୍ଦ୍ଦେଶନା ଭାର ସଞ୍ଜୟ ତ୍ରିପାଠୀ ବହନ କରିଛନ୍ତି।
