ସମ୍ବଲପୁର: ସମ୍ବଲପୁର ଜିଆରପି ଅର୍ନ୍ତଗତ ରେଙ୍ଗାଲି ଷ୍ଟେସନରୁ ଲପଙ୍ଗା ଷ୍ଟେସନ ମଧ୍ୟରେ ଜଣେ ଯୁବକ ରେଳଗାଡି ଧକ୍କାରେ ମୃତ୍ୟୁବରଣ କରିଛନ୍ତି। ଜିଆରପିର ସୂଚନାନୁଯାୟୀ, ଝାରସୁଗୁଡା ଜିିଲା ବଡମାଳ ପତ୍ରାପାଲି ନିବାସୀ ଏକାଦସିଆ କର୍ତ୍ତା ନାମକ ୪୬ ବର୍ଷିୟ ଯୁବକ କୌଣସି କାରଣରୁ କିଛି ଦିନ ତଳେ ଘର ପଳାଇ ଯାଇଥିଲେ। ଏଣୁ ପରିବାର ଲୋକେ ସେ ନିଖୋଜ ଥିବାର ଅଭିଯୋଗ ଥାନାରେ କରିଛି।
ଶନିବାର ସକାଳ ସମୟରେ ରେଙ୍ଗାଲି ରୁ ଲପଙ୍ଗା ଷ୍ଟେସନ ମଧ୍ୟରେ ଜଣେ ଯୁବକ ରେଳ ଧକ୍କାରେ ମୃତ୍ୟୁବରଣ କରିଥିବାର ଖବର ପାଇ ଜିଆରପି ଘଟଣାସ୍ଥଳକୁ ପହୁଞ୍ôଚଥିଲା। ମୃତକଙ୍କ ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଥିବା ବେଳେ ପ୍ରାଥମିକ ତଦନ୍ତ ସମୟରେ ମୃତକଙ୍କ ପରିଚୟ ଜଣାପଡିଥିଲା। ଏଣୁ ଏକ ଅପମୃତ୍ୟୁ ମାମଲା ସମ୍ବଲପୁର ଜିଆରପି ଥାନାରେ ରୁଜୁ କରି ଶବକୁ ବ୍ୟବଚ୍ଛେଦ ପରେ ପରିବାରବର୍ଗଙ୍କୁ ହସ୍ତାନ୍ତରିତ କରାଯାଇ ଘଟଣାର ତଦନ୍ତ କରାଯାଉଛି ବୋଲି ଜିଆରପି କହିଛି।
Comments are closed.