ସମ୍ବଲପୁର: ସମ୍ବଲପୁରର ହୀରାଖଣ୍ଡ ନାଗରିକ ପରିଷଦ ପକ୍ଷରୁ ସ୍ଥାନୀୟ ମାନେଶ୍ୱର ସ୍ଥିତ ମାନ୍ଧାତା ବାବା କଲେଜରେ ସ୍ୱାସ୍ଥ୍ୟ ସଚେତନତା ଓ ଚକ୍ଷୁ ପରୀକ୍ଷା ଶିବିର ଆୟୋଜିତ ହୋଇଯାଇଛି। ଡା. ସୁରେଶ ଚନ୍ଦ୍ର ଦାନୀ ଓ ଡା. ଜୟଦେବ ମେହେର ଏହି କାର୍ଯ୍ୟକ୍ରମରେ ଯୋଗ ଦେଇ ଛାତ୍ରଛାତ୍ରୀମାନଙ୍କୁ ଚକ୍ଷୁ ଓ ସ୍ୱାସ୍ଥ୍ୟର ଯତ୍ନ କିଭଳି ରୂପେ ହୋଇ ପାରିବ ତାହା ଉପରେ ପରାମର୍ଶ ଦେଇଥିଲେ। ପରିଷଦର ସଭାପତି ପ୍ରଫୁଲ୍ଲ ହୋତା ବରିଷ୍ଠ ନାଗରିକ ମାନଙ୍କ ପ୍ରତି ଦାୟିତ୍ୱ ଓ କର୍ତ୍ତବ୍ୟ ଉପରେ ଆଲୋକପାତ କରିଥିଲେ। କଲେଜ ପ୍ରାଙ୍ଗଣରେ ନିମ୍ବଗଛ ଚାରାରୋପଣ କରାଯାଇଥିଲା। ଚକ୍ଷୁ ବିଶେଷଜ୍ଞ ଡା. ସୁରେଶ ଚନ୍ଦ୍ର ଦାନୀ ୯୫ଜଣ ଛାତ୍ରଛାତ୍ରୀଙ୍କ ଚକ୍ଷୁ ପରୀକ୍ଷା କରି ଆବଶ୍ୟକୀୟ ପରାମର୍ଶ ଦେଇଥିଲେ। ଏହି କାର୍ଯ୍ୟକ୍ରମରେ ଅରବିନ୍ଦ ମହାପାତ୍ର, ଗୋପ ରଞ୍ଜନ ଦୁବେ, ନନ୍ଦ କିଶୋର ଦେବତା, ନିର୍ମଳ ମାଇତି, ଧନେଶ୍ୱର ମେହେର, ସିତାଂଶୁ ପଟ୍ଟନାୟକ, ସବିତ ନନ୍ଦନ ପଣ୍ଡା ପ୍ରମୁଖ ଅଂଶଗ୍ରହଣ କରିଥିଲେ। କଲେଜର ଅଧ୍ୟକ୍ଷ ଗଣ୍ଡାରାମ ଘଡିଏଲ, ଅଧ୍ୟାପକ ସତ୍ୟ ନାରାୟଣ ଠାକୁର, ସତ୍ୟ ନାରାୟଣ ଚୈଧୁରୀ, ଧର୍ମେନ୍ଦ୍ର କୁମାର ଦାସ, ତୋଷଧର ବାରିକ ଓ ମିନାକ୍ଷୀ ପଣ୍ଡା ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ।
Comments are closed.