ସମ୍ବଲପୁର: ସାରା ବିଶ୍ୱରେ କଳା ଓ ସଂସ୍କୃତିର ଆଦାନ ପ୍ରଦାନ ନିମନ୍ତେ ଗଠିତ ୱାଲର୍ଡ କଲଚର ଆର୍ଟିଷ୍ଟ ଏସୋସିଏସନର ଉପ ସଭାପତି ରୂପେ ସମ୍ବଲପୁରର ନୃତ୍ୟଗୁରୁ ଆଲୋକ କୁମାର ପଣ୍ଡା ମନୋନୀତ ହୋଇଛନ୍ତି । ଭାରତ ଦେଶକୁ ଶ୍ରୀ ପଣ୍ଡା ପ୍ରତିନିଧିତ୍ୱ କରିବେ । ଏସୋସିଏସନ ପକ୍ଷରୁ ଆଗାମୀ ୨୦୨୩ ମସିହାରେ ନେପାଳର ପୋଖରା ସହର ଏବଂ ୨୦୨୪ ମସିହାରେ ଦକ୍ଷିଣ କୋରିଆ ଠାରେ ଆୟୋଜିତ ହେବାକୁ ଥିବା କଳା ଓ ସଂସ୍କୃତି ଆଦାନ ପ୍ରଦାନ କାର୍ଯ୍ୟକ୍ରମରେ ଭାରତକୁ ପ୍ରତିନିଧିତ୍ୱ କରିବା ସହିତ ଅନ୍ୟାନ୍ୟ କାର୍ଯ୍ୟକ୍ରମରେ ସାମିଲ ହେବେ ବୋଲି ଶ୍ରୀ ପଣ୍ଡା କହିଛନ୍ତି । ଶ୍ରୀ ପଣ୍ଡାଙ୍କୁ ଆର୍ନ୍ତଜାତୀୟ କ୍ଷେତ୍ରରେ ଗୁରୁଦାୟିତ୍ୱ ମିଳିଥିବାରୁ ସବୁ ମହଲରୁ ତାଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଯାଉଛି ।
Comments are closed.