ସମ୍ବଲପୁର: ସମ୍ବଲପୁର ସ୍ଥିତ ଏନସିସି ବାଟାଲିଏନ ପକ୍ଷରୁ କର୍ଣ୍ଣେଲ ସି. ସି. ନାଗ ଙ୍କ ନିର୍ଦ୍ଦେଶରେ ୫ ଓଡ଼ିଶା ବାଟାଲିଏନ ଦ୍ୱାରା ଶୌର୍ଯ୍ୟ ଉତ୍ସବ ପାଳିତ ହୋଇଯାଇଛି। ଗତ ୧୬ ତାରିଖରୁ ୨୬ ଜୁଲାଇ କାରଗିଲ ଦିବସ ପର୍ଯ୍ୟନ୍ତ ଆୟୋଜିତ ଏହି ଶୌର୍ଯ୍ୟ ଉତ୍ସବ ଅବସରରେ ଏକ ମେଗା ସାଇକ୍ଲୋଥନ ହୋଇଥିଲା। କାରଗିଲ ଯୁଦ୍ଧରେ ଶହୀଦ ହୋଇଥିବା ବୀର ଯବାନ ମାନଙ୍କୁ ସ୍ମରଣ କରିବା ଉଦ୍ଦେଶ୍ୟ ନେଇ ଆୟୋଜିତ ଏହି କାର୍ଯ୍ୟକ୍ରମରେ ସମ୍ବଲପୁରର ସମସ୍ତ ଏନସିସି ଅଧିକାରୀ, ଏଏନଓ, ପିଏଲ କର୍ମଚାରୀ ଓ ୪୮୨ ଜଣ କ୍ୟାଡେଟ ସାଇକ୍ଲୋଥନରେ ଭାଗ ନେଇଥିଲେ। ସାଇକ୍ଲୋଥନକୁ ସେନା ପଦକ ବିଜେତା ତଥା ଗ୍ରୁପ କମାଣ୍ଡର ଅମିତାଭ ରାୟ ପତାକା ଦେଖାଇ ପୁର୍ବାହ୍ନ ୮ଟାରେ ସ୍ଥାନୀୟ ଭିଏସଏସ ଷ୍ଟାଡିୟମ ଠାରେ ଉଦଘାଟନ କରିଥିଲେ। ଅଂଶଗ୍ରହଣକାରୀ ମାନେ ୪୦ କିମି ଦୂରତା ଅତିକ୍ରମ କରି ଏନସିସିର ଗ୍ରୁପ ମୁଖ୍ୟାଳୟରୁ ବାହାରି ଗୋଶାଳା ସ୍ଥିତ ସୈନିକ ସ୍କୁଲ ପର୍ଯ୍ୟନ୍ତ ଯାଇ ପୁର୍ନବାର ଫେରିଥିଲେ। ଏହି କାର୍ଯ୍ୟକ୍ରମରେ ସମ୍ବଲପୁରର ବିଭିନ୍ନ ବିଦ୍ୟାଳୟର କ୍ୟାଡେଟ ମାନେ ଉତ୍ସାହର ସହିତ ସାମିଲ ହୋଇଥିଲେ।
Comments are closed.