ସମ୍ବଲପୁର: ଶ୍ରୀକୃଷ୍ଣ ଜନ୍ମ ପରେ ଶୁକ୍ରବାର ଗୋପପୁରରେ ଶ୍ରୀକୃଷ୍ଣ ଜନ୍ମ ଓ ନନ୍ଦୋତ୍ସବ ଅନୁଷ୍ଠିତ ହୋଇଥିଲା। ମଥୁରା ନଗରୀରୁ ମହାରାଜା କଂସଙ୍କ ଦ୍ୱାରା ପ୍ରେରିତ ପୁତନାକୁ ଗୋପପୁରେ ଶ୍ରୀକୃଷ୍ଣ ବଧ କରିବା ଦୃଶ୍ୟକୁ ସମସ୍ତେ ଉପଭୋଗ କରିଥିଲେ। ଏହି ନାଟ୍ୟ ଅଭିନୟରେ ଉପସ୍ଥିତ ଥିବା ହଜାର ହଜାର ଦର୍ଶକଙ୍କ ସାମଗମ ହୋଇଥିଲା। କାର୍ଯ୍ୟକ୍ରମ ଆରମ୍ଭରେ ଗୋପପୁର ଧନୁ ଯାତ୍ରା କମିଟି ସମ୍ପାଦକ ଗଣେଶ ମହତ୍ତମଙ୍କ ଅଧ୍ୟକ୍ଷତାରେ ଏକ ସଭା ଅନୁଷ୍ଠିତ ହୋଇଥିଲା। ଏଥିର ସମ୍ବଲପୁର ଧନୁଯାତ୍ରା କମିଟିର ସମ୍ପାଦକ ଗୁଣରଞ୍ଜନ ସାଳିମା, ବିଶିଷ୍ଟ କଳାକାର ସୂର୍ଯ୍ୟ ପାଣିଗ୍ରାହୀ ରାଜକୀୟ ଅତିଥି ଭାବେ ଯୋଗ ଦେଇଥିଲେ। ଏଥିରେ ସମ୍ବଲପୁରୀ ଧନୁଯାତ୍ରାର ନାଟ୍ୟକାର ଓ ନିର୍ଦେଶକଙ୍କୁ ନନ୍ଦ ରାଜାଙ୍କ ଦ୍ୱାରା ସମ୍ମାନପତ୍ର ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଥିଲା। ଗୋପପୁର କାର୍ଯ୍ୟକ୍ରମକୁ କାର୍ଯ୍ୟକାରୀ ସଭାପତି କମଳ ଲୋଚନ ପଣ୍ଡା, ଆଦିତ୍ୟ ପ୍ରସାଦ ନାୟକ, ସୁରଜ ମହାପାତ୍ର, ଯୋଗେନ୍ଦ୍ର ମାଝୀ ପ୍ରମୁଖ ପରିଚଳନା କରିଥିଲେ।
Comments are closed.